On blòg an lang gwadloupéyen ka lyanné péyi Gwadloup èvè réjyon Karayib-la é kontinan afwiken-la.
24
Kanmarad, ban ba zòt mak a on match ki fèt : 24-0!!! Sété on match annbòl? Awa, on match foutbòl ki fèt dimanch Lafwik di Sid. Sé vré adan chanpyona a péyi a Mandela, Sundown krazé, watibwazé, pliché Powerlines ki ka mal pòté non a-y 24 bi a 0. (10-0 a lamitan). Pou lèmoman sé rèkò a lanné-la.
Mé kanmarad a pa rèkò di mond-la davwa rèkò-la fèt pannan on match an Ekòs. Albroth té gannyé... 36-0 douvan Bon Acord. Sa ka fè nanni nannan davwa sété an 1885.
Rèkò di mond-la pou on match entènasyonal fèt antrè Lòstrali é Samoa Amérikenn. Adan éliminatwa pou lakoup di mond 2002 zòn Loséyani, Lòstrali té pété Samoa Amérikenn 31 bi a 0!
24 bi, swa 1 bi tou lé 3 minit é kèk. Gadé sa é kouté bèl mizik-la ki kay èvè-y la!
/http%3A%2F%2Ft2.gstatic.com%2Fimages%3Fq%3Dtbn%3AANd9GcTUMB-uuH8GZAPjaPmbKNK-_JG-8RpfNT-lIF0oyv5jxDCqYDvxAbq4mem6)
/http%3A%2F%2Fwww.antilles-mizik.com%2Fboutique%2Fimages%2FHilaire-GEOFFROY_Reconciliation.jpg%3FosCsid%3Dc98967c3)
/http%3A%2F%2Ft2.gstatic.com%2Fimages%3Fq%3Dtbn%3AANd9GcR-po9S2coEt9pdVUjm_Yb6YR96nriarNdYAC4ONBGSBM7Ar0wHFHkI1jq6ug)
/http%3A%2F%2Fwww.afrik.com%2Flocal%2Fcache-vignettes%2FL460xH373%2Farton24645-a37d6.jpg)