14 févriyé, ki 14 févriyé?

fevriye, jou, lasa, moun, pou

14.02.2011 …

Par SHAKA (Gwakafwika)

14 févriyé, gwadloupéyen ké chonjé

sa'y fèt an komin Moul jou-lasa an

1952.

14 févriyé, jou a Senvalanten? Pétèt pou moun ka chonjé sé enki jou-lasa yo enmé madanm a-yo oben nonm a-yo, pétèt osi pou moun ki bizwen rantré adan zafè a achté zyé fèmé. Mé mwenmen an-mwen pa ka rantré adan maji a kapitalis!

14 févriyé 2011, sé jou ola mèt a kaz-la Sarkozy kay wousivwè politisyen bwabwa Gwadloup pou'y désidé divini a péyi-la. Nou ja konnèt sa Sarkozy ja désidé, sé konsèy réjyonal é konsèy jénéral fè on sèl kon Matnik é Giyàn. Koloni a fwansé ka sèvi-yo laboratwa!

Sèl dat mwen an ké komémoré, sé 14 févriyé 1952, ola larmé kolonyalis fwansé té asasiné kat gwadloupéyen pannan on mouvman grèv a travayè kann an komin Moul! Dayè LKP kay tini on miting oswè-la an komin-lasa.

« Article précédent Article suivant »

Retour à l'accueil

Partager cet article

Repost0

Commenter cet article

NègARY

15/02/2011 12:11

Sa èstwadinè kanmarad Shaka pou vwè mannyè yo montré yè swa si fwans 2 ki jan "diktatè afwiken" té ka viv é fè bawbari si pèp ayo Konfètmanti yo pa di ola é adan ki péyi yo té ka kouri kaché ! otila yo vin rakonté men a bokasa pa èksamp o Congo a lépôk té sal épi san ni prézidan du Tchad adan lanné 80 ki té kaché é ka koulé on rètrèt pésib an péyi sénégal Pakont sé on blan ki sôti jis an amérik té ka chèché an tout jan fè jistis palé fwansé pou kondané sé misérab-lasa Ola swadizan entélèktyèl nèg annou pasé ? Mé antrè yo sé solidarité ki ni ouben yen ka kaché lôt ouben sé lôksidan ka pwotéjé yo

Répondre

NègARY

14/02/2011 15:51

Des crimes, des massacres, il y en a eu à l’occasion de mobilisations de travailleurs. Annou sonjé tout on séri a krim masak yo fè jou travayè té vin mandé on méyè vi ki yo té ni mwa févriyé Févriyé 1910 : twa mô a Senfranswa Févriyé 1925 : sis mô a tikannal Févriyé 1930 : on mô a mantin é dé zabim Févriyé 1952 : kat mô moul alô sa ki vlé fété senvalanten plito olyé sonjé an ka ba yo gwan lè ayo...

Répondre