Zò ka rékòlté sa zò simé!

Zò ka rékòlté sa zò simé!

Par SHAKA (Gwakafwika) dans Accueil le 15 Janvier 2011 à 19:20

Boutèy gaz-la, zò ké péyé-y

plis ki 23 éwo!

Apré Ben Ali an Tinizi, tansyon pou ti-Lirèl-la pa foukan alakous. Ti-misyé-lasa ka fè sinéma a-y pou di i pa dakò èvè òkmantasyon a pri a ésans. Vou ti-misyé Lirèl, ou an konplosité èvè gouvènè a léta kolonyal fwansé, ou toujou kraché asi mouvman LKP é ou ka fè sinéma a-w? Arété!

Pou sa ki pa toko konpwann, mi sé pwofitan-la woumèt anwout! Boutèy gaz-la, nou ké péyé-y 23 éwo kon avan, kant a ésans-la, pa menm palé!

Gwadloupéyen woukomansé pléré penn a-yo! Zò ka pléré penn a-zòt mé zò rékòlté sa zò simé!

Déotwa gwadloupéyen ki poko konpwann woufouté Lirèl la lanné pasé, mi foto a-y!

Déotwa gwadloupéyen té ka di LKP ka fè moun chyé, mi foto a-y!

Zò vlé pa jwenn on mouvman kont pwofitasyon, zò ka woumété politisyen bwabwa an péyi-la, alò sé pwofitan-la oblijé woumèt anwout!

<br />

Tags : pou, peyi, lirel, woumet, gwadloupeyen
Commentaires
1

Kanmarad ARY

Dimanche 16 Janvier 2011 à 13:20
Lirèl-ayo sé on bon komédyen a chak fwa gwadloupéyen pa dakô èvè on désisyon yo pwan adan gwan kominiké-ay i ka fè pèp-la sav i pa dakô non plis...misyé pa jan las fè létoné !!!

E poutan i ka sizé kôt a kôt èvè gouvènè-la jou yo ka désidé gèl-ay ka rété fèmé

La nou ké pwan konsyans ké ni plis solidarité pou nou gonflé mouvman LKP chasé bwabwa ki ka anpéché péyi-la dévlopé
Répondre
2

SHAKA (Gwakafwika)

Lundi 17 Janvier 2011 à 14:18
On pakèt gwadloupéyen komansé konpwann èvè ki moun yo annafè èvè ti-Lirel-lasa!
Répondre
3

lgnxpVdpLoGQeVCkwYJ

Samedi 3 Septembre 2011 à 05:26
How could any of this be better stated? It coludn't.
Répondre
Suivre le flux RSS des commentaires

Ajouter un commentaire

Nom / Pseudo :

E-mail (facultatif) :

Site Web (facultatif) :

Commentaire :

Me prévenir par mail en cas de réponse

Zò ka rékòlté sa zò simé!

Commentaires