• Woulo ba Palèstin!

    http://static.lexpress.fr/medias/1541/789326_un-homme-brandit-le-drapeau-palestinien-dans-le-nord-de-la-bande-de-gaza-le-5-octobre-2011.jpg    http://www.ism-france.org/photos/unesco%20071011.jpg

    Woulo ba pèp Palèstin! Péyi a-yo adan òganizasyon a UNESCO! 107 péyi voté pou, 14 voté kont, 52 voté abstansyon. Amériken é zanmi izraélyen a-yo, yo anrajé kon kann! Mériken ja di yo péké voyé lajan ankò UNESCO. Mi démokrasi-la!

    Ka rété Palèstin rantré LONI.

    Sa ka montré on pèp pa dwèt jen lagé konba! Gwadloupéyen, zò konpwann?


    Tags Tags : , , , ,
  • Commentaires

    1
    nubia
    Lundi 31 Octobre 2011 à 23:31

    Bof, en pa kontan kon vou Shaka, pas an ka vré kè tout sé péyi lasa ki en marj a lé gran (fwans, amerik , ...) ki ka rentré adan sé organizasyon la-sa, yo pa ni pon  pouvwa pou di Non lè on désisyon pa kay an intéré a yo (yen ki la chìn ka bay présyon). La fwans ki ja hypokrit té dakò pou palèstin rentré l'Unesco mè pou lOni y fè zafè pou kè sa roupren rèta enkò. Amériken la pa mem palé, diskou a obama té "pro-israëlien" nou ka kompren byen ki jen presyon yo kay fè non selman asi inesco mé osi asi ti nasyon ki voté wi. Pou mwen tou sa pa on "gage" an indépendens.


     

    2
    ARY x...
    Mardi 1er Novembre 2011 à 09:52

    An pa konpwann Nubia rézònman -aw...éskizé mwen pétèt sé mwen ki tibwen kouyon. Sé on pa dé jéyan fè nou woukonèt Palestine fè. Pou tousa tan yo menm o konba pou chanjé sitiasyon a yo. Sa ki ka pwouvé-w pon disou pa pèd, si ni konba ké ni viktwa ! Ké toujou ni présyon, kou-ba...si-w o konba pou chanjé vi-ay fè pa ou gadé si "véto" lézòt ka mèt. Nou ka kontinyé fè mémwa maché é konsyans vansé. Fòs é Kouraj mésyé !!!   

    3
    An-k our
    Mercredi 2 Novembre 2011 à 20:32

    tousa sé blag a mas, jès a makak, lélé pou gaga vwè, obama, abas, sarko,  é bann malmaké a yo, sé menm bèt menm pwèl . yo tout ka lité pou on menm systèm, ki sé ta pwofitasyon asi dòt pèp. é Izrayèl sé pli bèl modèl a systèm-la sa. An toujou sav ki sé goumé ki ka fè pèp gannyé komba. 

    pa atann asi lènmi aw pou gannyé konba.

    é pou sa pani pli bèl èkzanp ki ta pèp gwadloup. Nou kité shoelcher é banélo ay voté on lwa an sanblé a yo, pou sòti nou anba zongonn  a èsklavajis a yo. nou konnèt rézilta-la jodi. mi foto ay!! nou kon zonbi an peyi an nou

    an ja konnèt. zòt ké di ayiti pa méyè, men sa sé on dòt Istwa.

    rèspè ba pèp ki doubout

    4
    SHAKA (Gwakafwika) Profil de SHAKA (Gwakafwika)
    Jeudi 3 Novembre 2011 à 13:17

    Kanmarad, fò zò sav on biten. Sa Izrayèl vlé, sé fè Palèstin disparèt. Yo pa vlé on léta palèstinyen. Yo vlé tout palèstinyen ay an péyi Jòdani. Pouki biten? Sé padavwa izraélyen maré èvè idéoloji. On idéoloji ki sòti adan on vizyon yo ni dè bib-la. Pou yo, tè-lasa sé bondyé ki ba yo-y! Sé ta yo é i pa ta pon dòt moun. On idéoloji yo ka kriyé syonizm. Si amériken é izraélyen ka mènasé moun sé byen pas yo pa vlé rèkonnèt on léta palèstinyen.

    Moun vlé lapé? Alò fò yo woutouné asi akò a 1947, ki té ka di, lanmwatyé a tè-la ba palèstinyen é lòt lanmwatyé-la ba izraélyen.

    Mwen, an ka touvé pa ni pon diférans antrè syonizm é nazizm a alman.

    Mwen, an dakò èvè Kanmarad Ary. Palèstin UNESCO sé on bèl viktwa ba pèp-lasa padavwa nou ni on òganizasyon ka rèkonnèt on léta palèstinyen. Mé natirèlman, konba-la poko bout padavwa fò Palèstin rantré ofisyèlman ONU.

    5
    An-k our
    Vendredi 4 Novembre 2011 à 00:54

    Yéla!

    menmsi péyi palèstin téké rantré an nasyonzini , mésié ka sa tké changé a sitiasyon kakakòk pèp palestinien?? ahak.   sa péké anpéché Izrayélien kontinié fouté yo bon fè, é pon moun a òwganizasyon-la-sa péké réyaji. izrayéliyen ké kontinié fou yo koutchanm anlè tè a yo ,é ponmoun péké fè ahak pou fè pwofitè tchoulé. alòs an vlé sav ka sa kay chanjé ba pèp palèstinien???

    ès sé plézi pou vwè drapo a péyi a yo ka floté ansanm ansanm épi ta dòt péyi?awa awa!!! annou arété avè sa. zafè a symbòl paka fè pép gannyé konba.

    asé révé annou lité

    6
    ARY x...
    Vendredi 4 Novembre 2011 à 20:36

    Israel mésyé ka touvé-y "police de l'orient" anfavè a étazini. I pé anmewdé nenpòt péyi arab-la si-y vlé, étazini atravè lotan ké pwan défans-aw ! Yo pa di mwen, an li, Israel biswen mèt an wout si Iran sé jou-lasa (détrui détwoa baz-ay) kon-y té ja fè an òktòb démildis. Evidaman médya a yo pa ka palé dè sa. Ay si leveil2011.syl20jonathan.net...ni pou bwè é manjé ! A fòs fouyé nou ka rivé a touvé dé biten ki entérésan...

    7
    ARY x...
    Vendredi 4 Novembre 2011 à 21:05

    On boug ki tini san juif an kò-ay an diskité avè-y si fasbouk a yo-la di mwen sé davwa pèp Israèl té plis an étazini menm ki a kaz-aw kè yo wousouvwè an ventyèm syèkl-la pas yo té ka chasé juif-la an éwop. Dapré li mi pousa étazini pwonfondéman lyé a israèl konsa é rèspèktyé a li davwa sé on tè ki pwodui "l'ancien testament" avè sa ki yo ni on sakré rapò. Ka woukonèt kan menm étazini ka soutiré pozisyon kriminèl a Israèl, assassen a lagè a yo sé on sèten Kissinger. On lis a on pakèt syonis ki pa la pou dé motif ékonomik é sèlman rèlasyon lobis.  A pa jé mésyé !!!

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :