• http://t2.gstatic.com/images?q=tbn:ANd9GcQPmyK1KpNeE8e6XAG4jTqz_j7bX8bAh-E-cP9JHptiuscqn_9J

    Kouplé 1

    I gen lontan lontan, nou té boukou boukou

    Nou fléché yé jouktan nou pran danbwa séré

    Jodla nou la toujou, owi nyo ten kadachen

    Réfren

     Lagwiyann, nou péyi

    Nou kontan to, nou ka dibout pou to

    Lagwiyann, nou péyi

    Nou kontan to, nou ké mouri pou to [...]

    Kouplé 4

     Pitit mwen fèt isit, é sé la man kay mò

    Eo vivo ben aqui, ngay tcho lay tchong thaï

    I come from outside et je m'y suis fixé

    Nou ka chanté bay to, Lagwiyann

    -------------------------------------

    Adan imn-lasa nou ka touvé kréyòl giyanè, kréyòl gwadloupéyen, kréyòl ayisyen, kali'na, sranan tongon hmong, pòtigè, anglé, fwansé. On imn ki vlé sanblé tout kominoté ka viv an péyi Giyàn.

    Aprédavwa yo rann drapo a-yo ofisyèl, mi alè yo ni imn a-yo ki ta-yo. E nou an péyi Gwadloup, nou ka kontinyé dòmi!


    2 commentaires
  • http://t2.gstatic.com/images?q=tbn:ANd9GcQbr2T2awN4bfffQGIv_nTLFvlrnus_z5HWyS_cQSIBRK4KYy-AFgJòd-la, moun ka apwann minis a lagrikilti an Fwans ka otorizé yo voyé pwazon anlè plantasyon pòyò adan dènyé koloni a fwansé. Zò byen li-y, pwazon. Padavwa an pé pa konpwann apré sa ki rivé èvè klòdékòn-la, moun ka kontinyé woufouté pèstisid an pòyò. E ki moun ki dèyè sa? Toujou lémenm, sé béké-la! Labann a De Lucy, Hayot é bannélo a-yo! Politisyen Matnik é Gwadloup pé pa fè ayen! Gouvèlman fwansé nonplis! Alò an ka mandé mwen : Ki moun ka menné adan gouvèlman fwansé? Minis oben sé béké-la? Répons-la ja touvé! Sé sé béké-la! Lè sé moun-lasa pé pèwmèt-yo rantré Lélizé kon adan on moulen, sa vlé di tout biten!

    E yo vlé fè nou kwè sé enki pou si mwa yo ka otorizé épandaj-lasa? Lè si mwa-la ké bout, an ka di zòt yo ké woubay lotorizasyon  pou si mwa ankò. An ja vwè moun pa ka kasé tèt a-yo pou yo touvé on dòt mannyè pou kyouyé ti-bèt an pòyò!

     

    Sé mésyé sé vrèman on bann kriminèl!


    1 commentaire
  • http://t2.gstatic.com/images?q=tbn:ANd9GcTDyqF5eGfbvZ79PC1OmkrvEuV1S8EvGRNWiom4I7d1Z_2_LniWPwokiré a léta Philadelphia déklaré i pé ké voyé Mumia Abu Jamal adan chimen a lanmò mé konm i senten i kyouyé manblo blan-la on jou 9 désanm 1981, i dwèt rété tout vi a-y adan lajòl-la. Mi sa on pwokirè rasis déklaré douvan toutmoun!

    E moun ka di sé on viktwa pas yo pé ké kyouyé misyé Mumia mé pou mwen si'y ka rété adan lajòl a-yo, a pa on viktwa total!

    Ki prèv yo ni i kyouyé manblo-lasa? Ki prèv matéryèl? Pa ni pon prèv matéryèl! Mumia pa jen avwé i kyouyé misyé!

    Yo ka kontinyé fè péyé Mumia tout kalté tribilasyon pas i té sipòté a "The Black Panthers". Li ki té osi jounalis a on radyo Philadelphia menm.

    Alò sé pou sa an ka di, plas a Mumia Abu Jamal sé déwò!!!


    1 commentaire
  • http://www.sxminfo.com/wp-content/uploads/53192000.gif

    Pannan dé jou RTB pa té ka bay asi bann FM-la mé parapòt a dé zouti filé kon misyé Krisyan Anténor é Luidji. Koté midi, RTB woubat kè a-y asi bann FM-la! Luidji a lendikatif prézan adan èstidyo a RTB té ka bokanté pawòl èvè misyé Jéra Quidal ki té anvwayé èspésyal a radyo-la. 5 000 moun omwen an lari-la pou on piti mòso tè kon Marigalant! On bèl woulo-bravo ba moun Marigalant, ba pèp Gwadloup ki paré défann lopital a-yo!


    2 commentaires
  • http://www.surfsession.com/wp-content/uploads/2011/11/100_0055-20-11-2011-Podium-Women-1024x680.jpg

    Mi drapo-lasa ka fè yo chyé!

     

    Konm zafè a drapo Gwadloup yo mété a lendikatif prézan adan ripaj a surf-la pa ni lontan ka entérésé mwen, sé kon sa an ay jété on zyé asi on sit non ay sé Surfsession. Adan sit-lasa yo mèt foto a surfis-la, yo montré délégasyon Gwadloup ka pozé èvè drapo nasyon Gwadloup. E sé kon sa on ti-misyé on dénonmé matt ka di an fwansé : " Woulo pou la Gwadloup! Super compet' ...Mais que diable, envelez-moi ce drapeau indépendantiste..."

    Adan on dòt paj i ka kriyé drapo an-nou, on drapo a téworis! Sé vré fwansé pa fè pon krim èvè drapo a-yo! Sé jis toléré nou ka toléré drapo fwansé-la an péyi an-nou!

    Zò ka tou konpwann kanmarad, an tonbé an zo a-y é an di, gwadloupéyen kèlanswa koté yo sòti, ka rèkonnèt-yo adan-y!

    Sé kalté pawòl-lasa, nou té ja tann yo asi drapo a péyi Kanaky!


    2 commentaires


    Suivre le flux RSS des articles de cette rubrique
    Suivre le flux RSS des commentaires de cette rubrique