Vilaj KBM èvè lyannaj LKP òganizé yè swa on gwan sanblé ola yo té ka envité pèp Gwadloup dékouvè oben woudékouvè mofwazaj a pwodui agrikòl. Tou sa fèt adan on larèl a souvrènté a manjé. Padavwa on péyi ki pa ni souvrènté adan larèl-lasa pé pa ni on souvrènté politik osèryé.

Alò annou manjé sa péyi an-nou ka pwodui kon mango!

Mango, on fwi ki ni onlo fib ki ka nétwayé andidan tout boyo a-w. Ji a-y menm ka lité kont maladi yo ka kriyé kansè. Mango sé on fwi rich an vitamin A oben E.

Jòdi-jou sé sézon a mango. Alò gwadloupéyen, zòt  ki adan péyi a-zòt, pwofité dè pwodui a péyi a-zòt, manjé mango é tout dòt kalté fwi é légim!

Pawòl kout!

Pawòl kout!

 Plis kamo asi sa, ay jété on zyé anlè :

http://www.jewanda-magazine.com

Aprédavwa fwansé fouté ésè atomik a-yo an Aljéri é an Polinézi, aprédwva sé menm fwansé-lasa bay lotorizasyon pou sé béké-la anpwazoné tè é pèp  Gwadloup é Matinik èvè zafè a klòdékòn-la, mi on dòt krim yo ka fè kont nou : Léta néo-kolonyal fwansé ka pèmèt sé asasen-lasa fouté épandaj aéryen asi péyi Gwadloup é Matnik.

Ah wè! On pòyò ni plis valè ki on nèg adan koloni a-yo!

An pa ka maké plis ki sa, kouté, gadé é konpwann!