• http://www.maximini.com/uploads/news/illustration/taille3/3141.jpg

    Ay signé kont krim-lasa!

     

    Zò pa dakò pou sé bann kriminèl-la fouté pèstisid anlè tèt a-moun an péyi Gwadloup, alò ay signé pétisyon kont déwogasyon pou épandaj aéryen anlè plantasyon pòyò asi :

     

    http://www.avaaz.org/fr/petition/Petition_contre_lepandage_aerien_de_produits_TOXIQUES_en_Guadeloupe//?tta

     

    Kanmarad, zò ja tou konpwann, an ja signé!


    1 commentaire
  • http://t1.gstatic.com/images?q=tbn:ANd9GcQ5nYLFd4M1QjuAG3YtvrN07sSMHKWEolywX0KAq3C5X2CAYuV3

    On biten kon sa pa ka fè gwadloupéyen réyaji!

     

    Awa, péyi-la pa tan-nou padavwa magré tout kamo moun voyé anlè sa, gwadloupéyen pa ka lévé sa digad! Béké ka mandé léta fwansé an Gwadloup ba yo on déwogasyon pou yo fouté épandaj aéryen asi plantasyon pòyò an péyi-la. Apré sa ki rivé nou èvè klòdékòn-la, nòmalman on zafè kon sa té dwèt fè gwadloupéyen réyaji! Olasa! Pèp-la adan on lòlò! Ès sé manjé-la yo ka ba yo la ka rann yo kon sa? Padavwa an pa ka konpwann! E poutan moun pé ay adan lanbasad dè Fwans an péyi-la (préfèkti é soupréfèkti) Bastè é Lapwent pou yo bay avi a-yo é pou maké yo pa dakò! An pa ka konpwann! An pa ka konpwann padavwa yè an vwè on asosyasyon "Basse-Terre Environnement" ka mobilizé-y kont sa é a pa moun Gwadloup an vwè! Nòmalman nou té dwèt wont vwè sé moun déwò ka défann péyi-la an plas an-nou. Wi, sa fasil chanté "Lagwadloup sé tan-nou! Lagwadloup a pa ta yo! Yo pé ké fè sa yo vlé adan péyi an-nou!". Sa fasil chanté sa mé "Yo pé ké fè sa yo vlé adan péyi an-nou", pèp-lasa pa ka mété-y an pratik. Awa, péyi-lasa pa tan-nou osinon nou té ké défann li.

    Wi kolonyalis fwansé fò menm! Kolonyalis-la fè gwadloupéyen kwè sé enki lè yo ka fouté vòt a-yo adan bwat a lin-la, yo sé moun! Pa kont lè sé pou pòté mannèv pou di béké arété fè maji a kaz an-nou, ou pa ka vwè pon moun!


    2 commentaires
  • http://t2.gstatic.com/images?q=tbn:ANd9GcTUMB-uuH8GZAPjaPmbKNK-_JG-8RpfNT-lIF0oyv5jxDCqYDvxAbq4mem6

    Bonbon fèt èvè chatengn

    zò ké pé dékouvè adan vilaj

    KBM dèmen

     

    Kanmarad, zòt ki an péyi-la, pa obliyé vilaj KBM-LKP ka fèt dèmen douvan bik-la Lapwent. I kay démaré owa névèd'maten. Vilaj KBM (Ka pou nou bwè é manjé?), on konsèp LKP kréyé pou pwodiktè agrikòl fasadé èvè pèp-la.

    An dwèt ka kwè alèkilé, moun a LKP dwèt apiyé plis ki janmen asi konstriksyon a péyi-la.


    votre commentaire
  • http://www.camerfeeling.net/fr/dossiers/images/Cameroun-Plantation-Bananes-3.jpg

    Kanmarad Eli Domota té palè dè sa adan émisyon "Gwan kozé" a RTB dimanch é menm télé a léta fwansé "Guadeloupe 1ère" palé dè sa yè. Wi dèpi vandrèdi 18 mé jis lendi 18 jen, pèp Gwadloup pé rantré andidan anbasad é souzanbasad a léta fwansé Bastè é Lapwent. Gwadloupéyen pé bay avi a-yo adan on ankèt piblik ola yo ké maké si yo dakò oben pa dakò èvè épandaj a pèstisid anlè pòyò an péyi-la.

    Si zò sé réyèlman gwadloupéyen ki konsyan fò pa moun déwò vin anpwazoné nou, lojikman, fò zò signé kont!

    Alò an ka woudi-y, gwadloupéyen vin di AWA adan anbasad a fwansé jis jou lendi 18 jen!


    votre commentaire
  • http://t3.gstatic.com/images?q=tbn:ANd9GcQ-3X8quxB67N2wJn-Fz_uAxfX2aY-zKaHRFjzmrgWj6NVRfqPgCA

    Ka pou nou bwè é manjé? On larèl patriyòt a péyi-la ka pwan osèryé é sé kon sa yo désidé dèpi kèk tan, lyanné èvè pèp-la adan on konsèp yo kriyé vilaj KBM-LKP. On vilaj ki fè on prèmyé sanblé vandrèdi 27 avril pasé. On vilaj ola pèp Gwadloup té ka kontré èvè pwodiktè agrikòl a péyi-la. E sé kon sa pèp-la dékouvè tousa moun pé fè èvè gwozèy, jenjanm, chatengn, fouyapen, patat, moulikilen, tout jan kalté farin é tousa ka pousé an péyi-la.

    Vilaj KBM-LKP kay woufasadé èvè pèp-la sanmdi ka vini la koté névèd'maten. On vilaj ki kay wousivwè osi pwodiktè Marigalant é Dézirad pas fò pa nou obliyé péyi Gwadloup sé on bann lilèt!

    Wi, an déwò dè mobilizasyon, LKP adan on faz a konstwi péyi Gwadloup, fò toujou nou di pèp an-nou sa!

    Pèp pa ka mandé souvrènté, i ka konstwi souvrènté!


    1 commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique