• http://t2.gstatic.com/images?q=tbn:ANd9GcQmstG5-9FlZzU1ofhT5hmBNRQSI4mjmmx2ctUQV51sxXK7jWqZ

    Kou yann-la frapé jòd-la! ARS (Ajans Réjyonal a Santé) désidé fèmé sèvis a chiriji é a matènité-la asi tè Marigalant. Wi mésyé, léta fwansé bizwen fè ékonomi é sé kon sa i ka fèmé on pakèt sèvis a lopital tout koté. Marigalant adan osi!

    Ki fè, lè on moun ké bizwen akouché oben lè moun-la ké bizwen opéré, on élikòptè ké chayé menné-y CHU Lapwent. Mé an ka kwè moun ké bizwen on pakèt élikòptè! Pas si janmen on élikòptè okipé on dòt koté é pli mové, si élikòptè-la tonbé an pann, moun-lasa mò!

    Olyé yo sové dé sèvis-lasa Marigalant, yo ka pwès kondané moun ka rété la. Mi travay a fwansé!

    Ki tan nou ké konpwann Gwadloup fò nou woulé pou nou?


    1 commentaire
  • Woy, woy, woy! Lirèl fò menm! I touvé mwayen mofwazé on bès a ésans adan on wòs a ésans! 6 santim an mwens, yo té di? Awa, an réyalité sé on wòs a dé santim!

    Sé mésyé enmé nou!


    1 commentaire
  • http://t1.gstatic.com/images?q=tbn:ANd9GcRSuxfF9FVRQkm4dRUCRTe_oS09r2qTGHOUwDK_TJtisL0mEvdn

    4 sèktanm 1982- 4 sèktanm 2012, ka fè 30 lanné Radyo Tanbou Banbou (RTB) ka férayé rèd,rèd, rèd an péyi-la magré tout tribilasyon i ka kontré.

    Asi 105 FM oben asi nèt-la (menm si pou lèmoman zafè a entèwnèt-la poko réglé).


    2 commentaires
  • http://www.lnc.nc/media/imagecache/article-taille-normale/qps/2012/08/01/KANAKY3.jpg

    I té sifi Victorin Lirèl minis fwansé a lékoloni té di "Kanaky" pou nonmé péyi a Machoro é Tjiibaou, pou on pakèt blan adan péyi-lasa lévé cho! Pou sé kalté kolon fwansé-lasa, Lirèl pa té dwèt di mo-lasa an bouch a-y. Pou on fwa, an touvé mwen dakò èvè Lirèl! Kanaky sé non a péyi-la, nou pé répété sa!


    1 commentaire
  • http://t1.gstatic.com/images?q=tbn:ANd9GcRr7znh3Arrsum-WBbmkC-HiyG5ZUGy8F_Ccn7HWypKJEYBrj0B

    Fizi an péyi-la é moun ka touvé sa

    nòmal?

     

    A inè-la, moun ka apwann an péyi Gwadloup, dé jenn fanm pwan bal fizi Lapwent. Yonn pwan on bal nonm a-y tiré si-y Karénaj é on dòt pwan plon Lasénisman. Prèmyé-la malérèzman mò lopital é dézyèm-la, vi a-y pa an danjé.

    Ankò on fwa, moun ka kontinyé pwan bal fizi an péyi-la. Lòtjou, sé dé nonm yo té touvé mò èvè bal fizi, yonn asi réjyon Kapèstè, lòt-la asi réjyon Gozyé. Konmen tan sa ké kontinyé kon sa? Nou pa ni lizin a fabrikasyon fizi mé on pakèt a sé biten-lasa ka alé é vini an péyi-la. E ki moun ka plis pri adan sa? Nèg! Sé kon adan sé géto-la an Amérik ola blan fouté fizi ba nèg pou'y tiré asi dòt nèg kon-y! E yo di politisyen Gwadloup fè kongré asi lavyolans lanné pasé? Fò kwè sa pa sèvi ayen piskè nèg ka kontinyé tiré asi dòt nèg an péyi-la.

    Pannan sitan blan-la an péyi annou ni fizi osi mé a pa pou'y tiré anlè blan kon li mé sé plito pou i  ay ataké nèg si on révolisyon osèryé ka fèt an péyi-la.

    Fizi ka palé fwansé an péyi Gwadloup é pon moun poko paré pou anpéché sé biten-lasa fèt!


    1 commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique