• Sé byen sa an vwè?

    http://t1.gstatic.com/images?q=tbn:ANd9GcRotYpnOokKphoX1CBI_Mh8EJcQBDsPay4sbPdhPv9adlMxoWcZLendi swa, an té ka gadé jounal a-yo adan "Guadeloupe 1ère" é yo vin adan larèl a èspò-la. Yo té ka palé asi jenn gwadloupéyen ki té ay adan chanpyona fwansé a surf. Zò sav ki moun ka fè èspò-lasa an péyi Gwadloup, sé on majorité blan. Tini déotwa nèg mé majorité-la sé blan. Sa ni enpòtans a-y padavwa yo montré on biten ki fè mwen soté! Ka yo montré? Yo montré sé jenn surfer-la té ka pozé douvan kaméra é aparèy foto. Ka yo té ni an men a-yo? On drapo. E ki drapo? Drapo a...LiPLG! Wi mésyé drapo a LiPLG toutmoun asi latè ka rèkonnèt kon drapo a nasyon Gwadloup. An soté padavwa yo toujou fè nou kwè òganizasyon endépandantis kon LiPLG oben MPGI té òganizasyon rasis. Ba onlo sé òganizasyon-lasa té ka mandé fouté tout blan déwò alò kè yo toujou di sé léta fwansé fò moun té mété déwò. A pa menm biten! E la adan jounal a-yo, yo ka montré on majorité blan ka pozé èvè drapo a nasyon Gwadloup. Sé moun-la pa ka fè politik mé yo ka jijé drapo-lasa ka rèprézanté péyi a-yo. E wi kanmarad, ki zansèt an-nou sòti Lafwik, Léwòp, Lazi oben Lamérik, nou tout gwadloupéyen!

    Antouka sa fè mwen ri osi padavwa kaméra pasé floup lè yo montré sé jenn-la èvè drapo an-nou. Mé toutmoun ni tan vwè-y!

    Alò lè an ka vwè déotwa nèg isidan èvè drapo fwansé, an ka di lèspri an-nou maré toujou. Mi blan ka di zòt mi drapo a-zòt!

    Si zò pa'a kwè mwen, gadé rèdifizyon a jounal a-yo aka bik entèwnèt a "Guadeloupe 1ère" (jounal a 31/10/11 a 16 min 35 s).


    Tags Tags : , , , ,
  • Commentaires

    1
    yonn
    Jeudi 3 Novembre 2011 à 18:56

    kanmarad shaka ou ka maké "yo ka jijé drapo-lasa ka rèpresenté peyi a-yo." sé moon -lasa sav byen sa yo ka fè .Eséyé fè gwadloupéen kompwen kè nou an mèm konba-la ! ki lang yo ka palé (ent yo) ?ka yo ka manjé ? O yo ka viv é ki jen ? Mwen an pa sinten nou kay an mèm larèl-la .Kom yo paka fè "surf" an peyi a-yo yo ka pwen figi a drapo an nou mé YO PA NOU !

    • Nom / Pseudo :

      E-mail (facultatif) :

      Site Web (facultatif) :

      Commentaire :


    2
    SHAKA (Gwakafwika) Profil de SHAKA (Gwakafwika)
    Jeudi 3 Novembre 2011 à 20:46
    Kanmarad, an ka vwè sa ou vlé di la. Mé toujou chonjé gwadloupéyen, a pa enki nèg. Fò pa nou fè menm biten ki sé blan-la a kaz a-yo. Mé pa kont é an dakò èvè-w, fò nou toujou rété si gad an-nou èvè sé blan-la, sa sé vré! Kon an toujou ka di, si ni 100 blan, ou ka touvé 10 ki bon adan yo. Gadé sa ka pasé an péyi Kanaky. Sé blan-la vlé pa rèkonnèt drapo kanak-la é nou sav kanak té la avan yo. Sé enki on piti minorité a blan ki ka rèkonnèt li. Nou, nou pa ni menm listwa-la, sé vré. Mé nou ka sibi menm tribilasyon kolonyal-la. Pou yo, nèg an Gwadloup pa moun. Wi, fò nou toujou rété véyatif. Pa okipé-w, an konnèt lèlmi an-mwen, lèlmi an-nou. Sa an té vlé montré kanmarad, sé pwoblèm déotwa nèg ni an kabèch a-yo. Si déotwa blan pa ka touvé pon pwoblèm pou afiché drapo nasyonal an-nou, an pa ka vwè ki pwoblèm a nèg an Gwadloup. An pa sav si ou ka suiv rézònman an-mwen. Gadé kous bisiklèt ka fèt an péyi-la. Pou wouvè kous, ou ka vwè on drapo fwansé alò kè sé on kous isi. Adan men a ki moun ou ka touvé drapo fwansé-la? Adan men a nèg! Pouki biten moun pa ka vwè on drapo gwadloupéyen? Pwoblèm-la sé aka déotwa nèg ki an péyi-la. Pwoblèm-la, sé adan kabèch a politisyen bwabwa ki pè pou manda a-yo! E pou bout, on drapo gwadloupéyen pa dwèt enki an men a moun a LiPLG oben FKNG. On drapo gwadloupéyen dwèt an men a nenpòt ki moun ka santi-y gwadloupéyen. E mèsi pou grenn sèl a-w! A plita kanmarad!
    3
    ARY x...
    Vendredi 4 Novembre 2011 à 20:21

    Kanmarad Shaka ouben chaka(dayè?-an ja bouré avè dézyèm-la)...bon bref ! Pawòl-la bon, mé fè nou sav kè Gwadloupéyen ki jòdi-jou ka branné drapo fwansé toujou, sé moun-lasa ka santi yo pli fwansé ki fwansé-la menm. Vlé pa sèlman konèt ka ki yo, vlé karéman rété tout vi-ay anba joug a léta fwansé. Mi sa an té tini a di mésyé ! Fòs é Kouraj kanmarad !!! 

     

     

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :