-
Sa ka fè zòt chyé?!!
Misyé André Jean-Vidal-la maké adan jounal "Fwansmanti", kominis bizwen lendépandans ba péyi Gwadloup pou fè-y an réyalité rantré adan on dòt kalté dépandans. Kivédi kon péyi Domnik, chinwa é mériken té ké kolonizé Lagwadloup. Ka nou pé konpwann adan sa? Mériken é chinwa ka kolonizé Domnik? Domnik endépandan dèpi 1978 é kon on péyi endépandan, Domnik ka chwazi péyi i bizwen fè konmès èvè-y! Jòdi-la Domnik ka woulé èvè Lachin mé on jou i pé désidé kaskòd èvè Lachin é mété-y èvè Tayiwàn. Nou adan péyi an-nou, nou pé pa kaskòd èvè fwansé davwa nou toujou maré! Fwansé ka fouté pèp Gwadloup on pakèt timtim-bwasèk pou nou rété toujou anba grenn a-yo! Sa fwansé pè la, sé pèd Lagwadloup kivédi yo pè vwè pèp Gwadloup raché lendépandans a-y! Asi latè, pa tini enki zòt, nou pé woulé èvè dòt nasyon é sa sa ka fè zòt chyé!
Tags : nou, eve, peyi, domnik, adan
-
Commentaires
Kon nou sav péyi fwansé pé ké lésé nou kaskôd konsa padavwa yo ké ni twop a pèd si yo lésé chapé
On manman pwoblèm ankô ki la byen prézan
pèp annou ki pôkô paré pou tibwen plis dignité !
Fè nou pa oubliyé yo ka fè yo pè èvè lendépandans é si yo pa vlé diskité yoka di yo gadé ayiti
Mé kom nou pa ka two li ni chèché a konèt poukwa
ignorans annou ka jwé nou dé vilen touw
Sé pousa mwen ka di bondyé mèsi touléjou davwa nou ni LKP
pou fè yo rèspèté travayè é pepgwadloup ki pa ka ézité dépi lé 44 jou a mèt yo ou rété DOUBOUT lè yo tini on pwoblèm
POU LISTWA FE NOU RETE VEYATIF !