Aprédavwa travayè, pèp Gwadloup ba léta kolonyal fwansé é sé pwofitan-la on volé an 2009, réprésyon-la atann nou pwan ti-bwen landòmi pou'y frapé! Kat militan ka woulé adan èstasyon ésans a Valkanna Goubè adan on tribilasyon èvè lenjistis a léta kolonyal fwansé. Total ka menné an péyi Fwans, monté on konplo pou fè sé kanmarad-lasa tonbé! Mé nou ja konnèt, sé pwofitan-la ka éséyé pwan rèvanch a-yo. Apré viktwa a 2009, yo ka éséyé woupwan lanmen anlè pèp Gwadloup èvè òkmantasyon a pri a tout kalté biten an péyi-la. On òkmantasyon ki kay èvè tout kalté réprésyon osi!