• Rada adan pwofitasyon-la osi!

    http://t2.gstatic.com/images?q=tbn:ANd9GcT9v8DbqMoDZ3IGhSzTxrUwhom8dHphvXaGgGI0NcbyWAdIoFoT

    Sé rada-lasa pa la

    pou sové vi a gwadloupéyen,

    yo la pou pwan lajan a gwadloupéyen!

     

    Dèpi déotwa lanné léta kolonyal fwansé planté on pakèt rada an péyi Gwadloup pou swadizan bésé aksidan loto an péyi-la. Annou pléré ti-bwen! Dèpi yo fouté rada an péyi-la, ès aksidan loto ja bésé an péyi-la? AWA! Asi chimen a "L'Hermitage" an komin Twarivyè, yo planté dé rada, yonn lè moun kay pwan dirèksyon Bastè, lòt-la pou ay Lapwent ; an pé di zòt dèpi yo mété sé rada-lasa "L'Hermitage" dwèt ni omwen 10 moun ki ja pèd vi a-yo la! Lè on moun kay jwenn on rada asi chimen i ka ralanti é lè'y ka dépasé-y i ka akséléré! Sé sa onlo moun ka fè an péyi-la! Alò zafè a rada pa ka anpéché moun fè aksidan, yo mété sé rada-la plito pou pwan lajan a moun! Pouki biten yo pa mèt on dodàn an sèksyon Sentmari Kapèstè pa èkzanp? On koté moun dwèt woulé a 50 a lè, yo mété on rada pou pwan lajan a moun! Tout konmès a sé rada-la ka rantré osi adan larèl a pwofitasyon. Sé rada-lasa pa la pou sové vi a gwadloupéyen. Nou ja pa menm koulè ki yo é zò vlé sé blan-la sové nèg an Gwadloup? Léta kolonyal fwansé ka gannyé lajan asi do an-nou é an menm balan-la ti-Lirèl-la osi davwa laréjyon li osi bizwen ranmasé ti-bwen adan lajan-lasa!


    Tags Tags : , , , ,
  • Commentaires

    1
    Kanmarad Ary
    Mercredi 5 Janvier 2011 à 16:29

    Yo tini tout sôt dè stratéji pou yo fè lajan rantré an kès a léta

    Lamafya mésyé a pa kouyonnad !!!

    Sa pa ka fè mwen ri ditou dè vwè lé zansyen valé pawol a yo é opipirit chantan a ban yo vwa-la péryôd a élèksyon

    Sé moun-la asimilé jiska lanmô...pé pa fè awak pou yo !!!

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :