-
Pou zò pa lésé pwofitasyon pwan lanmen anlè zòt
Gwadloupyén lagé katkat-la pou on "Twingo" si zò
vlé pa péyé twòp ésans!
Jòdi-jou gwadloupéyen ka kriyé anmwé padavwa tout biten òkmanté. Esans-la, manjé-la, dlo-la, kouran-la, téléfòn-la kisisi kisila. Gwadloupéyen, lè 20 000 moun té an lari-la Lapwent désanm pasé sété pou fè zòt chyé? 20 000 gwadloupéyen kon zòt té ka mandé moun rèspèté akò yo té signé èvè LKP, zò pa'a chonjé sa? Aprézan moun ka jis mandé ka LKP ka fè! Mé zòt menm, ka zò ka fè? Sé pwofitan-la, lè yo ka vwè moun ka achté gwo katkat, yo ka mèt anwout pou yo òkmanté ésans-la! Lè gwadloupéyen ka kontinyé achté adan gwan magazen a sé béké-la, sé pwofitan-la pa ka pèd fòs! Gwadloupéyen, fò nou apwann viv èvè sa nou ni, fò pa nou mò pou sa nou pa ni! Wouvè zyé an-nou gwan tonnè! Pou ki biten gwadloupéyen bizwen fè-yo vwè? Ou ké péyé dènyé gwo katkat-la ki sòti é apré ou pé ké ni pon lajan pou achté on mòso pen! Pisimyé on moun achté on "Twingo" ki pa ka manjé twòp ésans plito i ay dépansé on pakèt ésans!
Tags : pou, gwadloupyen, nou, esans, moun
-
Commentaires
Wouvé zyé a sé moun-la fè yo pwan ti-bwen konsyans yo ka konpwann nou ka anmewdé yo ! yo vlé pété pli wo ki fès ayo !!! é kon ou di kanmarad ni bèl biten pou fè lézôt vwè !
An ka pansé la sèten ké konpwann on jou
i pé ké twota...