• http://upload.wikimedia.org/wikipedia/commons/thumb/7/7a/Flag_of_South_Sudan.svg/125px-Flag_of_South_Sudan.svg.png9 juiyé 2011, on 193èm nasyon ka vini endépandan. Wi, an mwa janvyé pasé la, pèp a Sid-Soudan té voté an mas pou lendépandans a péyi a-y. Dèpi sanmdi, yo vin séparé èvè vwazen a-yo adan lènò.

    Sid-Soudan sèlon konstitisyon a-y ka chèché on nouvo non. Moun ka pwopozé Nouvo Soudan, Répiblik di Nil, Ekwatori, Kouch oben ankò Djouwama.

    Sid-Soudan ni on majorité moun krétyen alò kè rèstan a Lèsoudan mizilman.

    Mé an ka mandé-mwen :  ka'y dèyè lendépandans a péyi Sid-Soudan? Ka sa ka kaché?

    Nou sav péyi Etazini soutyenn lendépandans a péyi-la é sitou nou sav Sid-Soudan chajé èvè pétròl. E wi, moun pa ka soutyenn si moun pa tini on lidé dèyè tèt a-y.

    Moun ka di pétròl ké vin dè plizanpli ra! Alò moun ka pòté mannèv pou èché pétròl dòt koté.

    On kèsyon! Ès pèp-la ké pé bénéfisyé anlè tout richès moun ké rékòlté?

    Sid-Soudan kay rantré LONI. An nou révé péyi Gwadloup ka vini 194èm-la!


    5 commentaires
  • Afòs chèché ou ka fin pa touvé é menm si a pa sa ou té ka chèché! Kanmarad gwadloupéyen, an tonbé pa haza asi on vidéo éwopéyen ki ka palé dè péyi an-nou Gwadloup. Sété apré mouvman an-nou LKP.

    Gadé é sitou kouté, zò ké apwann biten ki bèl toubòlman. Kon boug an-nou la Lirèl ki sé réyèlman on kouto a dé lanm, on tanbou a dé bonda! Sèlon i ka palé ba gwadloupéyen oben ba dòt moun, ou ka tann dé son diféran!

     


    1 commentaire
  • Kanmarad konbatan Eli Domota té an vant a bèt-la pa ni lontan. Kouté sa'y té ka di on jounalis fwansé, zò ké konpwann poukisa fwansé vlé toujou désidé ban-nou!

     


    1 commentaire
  • Kon té ké di Janklòd a Radyo Tanbou, jou prèmyé Mé sé kanak-la té a lendikatif prézan an péyi a-yo.

    Ba moun ki konpwann mouvman endépandantis mò adan koloni a fwansé mi foto a-y!

     

    http://www.lnc.nc/images/ThumbNails/450x299-images-stories-Articles-_2011-05_mai-02-MARCHE_13.jpg


    2 commentaires
  • Pannan fwansé ka fouté gawoulé an kòtdivwa, pannan fwansé ankò èvè rèstan bannélo a-yo ka kyouyé moun an Libi, kontinan Afwik-la ka'y ka fè pou arété sa? Linyon afwikenn ka'y ka sèvi? Lafwik ké kontinyé lésé lòksidan malmenné-y kon sa? Lafwik ké lésé péyi kon Lafwans, Etazini, Anglètè kontinyé volé tou sa'y ni? Lafwik dwèt fè on lyannaj osèryé é pa on lyannaj an kouyonnad! Èvè Lalibi, Lafwik té voyé on satélit adan lèspas. On biten ki té ka déranjé lòksidan. Pou lòksidan fò Lafwik toujou rété dèyè pas lòksidan bizwen tou sa'y ni! Pou lòksidan fò pa Lafwik fè on lyannaj osèryé! Lyannaj on pawòl défen Berhane Selassie (Bob Marley) té ka chanté an 1979. Tann é gadé sa!

     

    How good and how pleasant it would be

    Before god and man

    To see the reunification of all

    Africans


    1 commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique