I té on komin, i vin an 2012 on péyi. Ki non a-y?.....

SENBAWTELEMI.

An péyi Gwadloup, nou ké toujou rété dèyè kon talon?

Adan "Ka zò ka pansé?" an mèt ban nou la, an ka konstaté tini twa moun òptimis pou péyi a-yo (chif-la ka monté ti-bwen). Sa byen vwè moun ka kwè an péyi a-yo. Mé kèsyon-la an ka mandé la : "Ès nou ka kwè adan nou?".

2012 ka rivé é moun ka anonsé lafen di mond, moun ka anonsé tout kalté biten, dyab é kòn a-y. Mé pawòl sèryé! 2012 ké chanjé on biten an péyi Gwadloup? Politisyen Gwadloup ka vwè alè gouvèlman fwansé bizwen fouté réfòm a-y adan koloni a-y é yo ka pòté mannèv pou mété on èstati "made in France" an péyi-la. 2012 ké on lanné sèryé? Péyi endépandan kon Sentlisi, Giyana oben Jamayik ja mété asi pyé on gouvèlman ww pou yo pé sav vwè douvan yo. E an pé di zòt sé péyi-lasa ka vwè douvan yo! Alò 2012 on lanné a on révolisyon politik an péyi Gwadloup? Gwadloupéyen ké suiv sé péyi-lasa? Gwadloupéyen ké paré fouté fwansé déwò a kaz a-yo?

E sé pou sa an mété ba zòt on sondaj. Alò gwadloupéyen, an 2012, nou endépandan? (A pa otonòm). Sala ki réponn "WI", senten dè-y toubòlman!

Man Portia Simpson-Miller

nouvo prèmyé minis a péyi

Jamayik pou 5 lanné.

Sa fèt! Dèpi yè an péyi Jamayik, sé PNP (sé owanj-la) a man Portia Simpson Miller ki gannyé élèsyon jénéral-la. Adan nouvèl asanblé-la, PNP gannyé 41 syèj é JLP (sé vè-la) a misyé Andrew Holness ni 22 syèj. Sé ké dézyèm fwa, man Simpson-Miller kay dirijé péyi-la. Prèmyé fwa-la sété antrè jou 30 mas 2006 é 11 sèptanm 2007.

PNP sé on pati politik ki plis ka éséyé menné on pwogram sosyalis an péyi-la.

 "You have a government now that you can trust"

An ka èspéré ou pé ké dèsèvwa pèp-la!

JLP                      kont          PNP         

Jédi pwochen kay fèt élèksyon jénéral an péyi Jamayik. Andrew Holness (JLP)  ki prèmyé minis aktyèl a péyi-lasa é ki té pwan plas a Bruce Golding ki té démisyonné, désidé avansé dè on lanné élèksyon jénéral-la pou'y chèché on léjitimité owa pèp a-y. E sé kon sa dèpi plis ki on mwa misyé Holness rantré an kanpagn kont on madanm ki li osi té fè on kou prèmyé minis, man Portia Simpson-Miller (PNP).

Simenn pasé, on débat fèt antrè sé dé kandida-lasa adan fakilté a dwa a linivèsité "West Indies" Kingston menm.

Gadé é sitou kouté on mòso adan déba-lasa!