• http://webzine.unitedfashionforpeace.com/wp-content/uploads/2012/04/taubira.jpg  http://t1.gstatic.com/images?q=tbn:ANd9GcTluh_ls0V8T7ZgWyZk6b0FYHjuCdWYmgq3eAyASGdH1EpqHmqi    http://t3.gstatic.com/images?q=tbn:ANd9GcT6_VIwPu3ERiIffySzB1imnEbzPnqBcZjQGBj-_pSjDOMw1ZMS

    Adan gouvèlman a sosyalis fwansé, yo fouté twa moun ki sòti adan koloni a-yo. On pati a gwadloupéyen kontan pas yo ka konpwann yo kay gannyé plis égalité èvè manman-yo ki sé péyi Fwans. Mwen an ka di, sé ankò on fwa on kalkil politik a léta néo-kolonyal fwansé! Apré zafè a gwadloupéyenn mis Fwans, apré zafè a gwadloupéyen ka pòté tit é méday ba fwansé, apré zafè a on fanm Gwadloup kay pòté drapo a fwansé adan jé olenpik-la ka vini la, mi yo ka woumèt on pil pou ba pèp-la landòmi èvè zafè a minis. Fwansé sav Gwadloup sé koloni ki tini plis "siklòn" sosyal é politik alò pou anpéché pèp-la rèvandiké souvrènté a péyi a-y, i ka bay bonbon pou i sousé mé sé bonbon-lasa tini dwòg adan-yo. Nou sav dwòg ka ba pèp landòmi!


    5 commentaires
  • http://www.sxmbeach.com/image/forum_img/drapeau-saint-martin.png

    Alò moun ka apwann Senmawten, pou envèstiti a-y, nouvo prézidan a péyi-la misyé Alain Richardson fè on diskou ki té ké fotokopi a on diskou on minis Birkina Faso té fè an péyi a-y lanné pasé. Dirèktè dè kabiné a misyé Alain Richardson, misyé Alex Richards té préparé tèks-lasa mé i té ké voyé on tèks on dénonmé Pierre Marssin té maké ba minis birkinabé-la. Rézilta dé kous, Alain Richardson té oblijé voyé-y alé!

    Mé sa mwen ka di, a pa prèmyé fwa sa ka fèt aka politisyen. Pouki biten sé anlè misyé Alain Richardson sa tonbé dirèktèman? Fò pa nou obliyé sé gwo kapitalis-la té préféré misyé Daniel Gibbs an plas a-y pas sé li ki té ké défann entéré a-yo. Alò an ka kwè misyé Alain Richardson ka mélé zafè a-yo é sé pou sa jounalis komansé mèt anwout asi-y! 


    votre commentaire
  • http://t3.gstatic.com/images?q=tbn:ANd9GcSvlVuGXQHgMSM0HzsyZN0b2IDa4vG_-J7GQb4T4yr8DPmk6kHNNA

    http://t2.gstatic.com/images?q=tbn:ANd9GcRsN3s7NhcUSKlTNENiAIYUqkec36PJntNpff_HnQtfwd5JmZD2IQ

    Misyé Alain Richardson a pati "Rassemblement Responsabilité Réussite" vini nouvo prézidan a kolèktivité téritoryal a Senmawten. I gannyé misyé Daniel Gibbs "divers droite" adan dézyèm tou-la, i rékòlté 5 451 vwa kont 4 134 pou lalvèsè a-y. Pannan senk lanné misyé Alain Richardson kay ni pou misyon woumèt doubout péyi-la.


    votre commentaire
  • http://actu.orangecaraibe.com/images1/zoom/23464-1vignette.jpg http://t0.gstatic.com/images?q=tbn:ANd9GcSZDUzQGfKwnkV5MA9YSCZuToZgB57luCgCNnkUSyv57SAdVFpYBg

     On gwo fwansé ki ka jwè odiktatè an komin a moun-la                                

     

    Moun ka apwann an péyi-la mè Sentann Aldo Blaise mété déwò jounalis ki té pou asisté a konsèy minisipal a komin-la. Pou jistifyé-y, mè-la ka sòti on zafè a tèks asi kòd a kolèktivité a fwansé. E pou fwansé Aldo Blaise fwansé! Télévizyon-la montré andidan lanméri-la.  Blé, blan, wouj toupatou! Menm nap-la anlè tab-la. On gwo fwansé ki ka jwé odiktatè an vil a moun-la. E yo di endépandantis sé diktatè? E poutan nou té tini mè endépandantis ki pa jen mété jounalis déwò an minisipalité a-yo.


    1 commentaire
  •  

    http://www.ouest-france.fr/of-photos/2009/03/25/SIGE_NUCLEAR_apx_470_.jpg

    Kanmarad, ay jété on zyé asi Ubest1(http://www.ubest1.com/page?=video23361#null

    On émisyon "Thalassa" té fè an 2010 an ka kwè. Zò senten fwansé enmé nou?


    1 commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique