• Prézidan a Répiblik a Lachin té débaké simenn pasé an péyi Fwans ola i signé kontra èvè lantoupriz fwansé. Mé pli bèl-la mimi-y! Fwansé signé on kontra ola i ka vann Lachin iranyòm. Ah bon? Fò zò savé Lafwans pa ka pwodui iranyòm. Alò ki koté i ka pwan-y? An péyi Nijè! Kivédi fwansé ka vann Lachin on biten ki pa ta yo! Pas jous a jòdi-jou Lènijè sé on péyi endépandan! Sé sa an ka mandé-zòt!  Ès péyi-lasa endépandan? Davwa an pé pa konpwann ki jan nèg pé lésé blan fè sa yo vlé an péyi a-yo! E sé pou sa an ka di zòt, sa ka rivé sé péyi afwiken-la, fò pa sa rivé nou osi!  Nou dakò pou Gwadloup trapé lendépandans a-y mé nou pa dakò pou on dòt kolonizasyon fèt anba tab!

     

     

    http://t3.gstatic.com/images?q=tbn:ANd9GcSGlZxKbVYJzc1GcgvFZ9L9rx3TK36XR_dTRjNMe2o9mT0jrig&t=1&usg=__-gVntlzzN_-mswqMR05LdgseK00=http://t3.gstatic.com/images?q=tbn:ANd9GcQKyfSNuYlCPI_ne5Omj3og0UV-pceewHAZAhIfZ_u93P4ZJnA&t=1&usg=__qcM58yhvL_-JJUjoz4puHSM0vvs=

    On karyè iranyòm an péyi Nijè                  On wòch zò pé vwè ki danjéré

    http://t1.gstatic.com/images?q=tbn:ANd9GcSpaSCsdVKghteyK7WCGLvebi34dkzIx5hFggswBRq8FWYFaS4&t=1&h=167&w=222&usg=__8BiFnGttIPl-9iwWFOHam2mDBwg= Areva, on lantoupriz fwansé ka koupé é haché an péyi a moun-la.

     

    http://t2.gstatic.com/images?q=tbn:ANd9GcRfIg26-iu0Vsoe7nMCdoY5-21Nlf5ost4FpZfAGAy74-tmH2k&t=1&usg=__pKLHJw2Xcd0VMX0664xrV12u9cU= Prézidan a fwansé èvè bwabwa nijéryen


    4 commentaires
  • Jou 9 novanm ka vini la, tribinal a-yo a Filadèlfi (Etazini) kay désidé si'y ka voyé Mumia Abu Jamal asi chimen a lanmò oben si'y ka lésé-y pannan tout rèstan a vi a-y adan lajòl-la. On pakèt òganizasyon asi latè ka pòté mannèv pou yo éséyé fè tribinal Filadèlfi pa kyouyé-y! Pou jwé, yo ja jwé èvè vi a gwan nonm-lasa é moun ka ozé di sé péyi-lasa sé péyi a libèté é démokrasi!

     

    Mi on vidéo ola Mumia té ka réponn on jounalis adan lajòl-la an 1996. On vidéo ola i ka di tout pwoblèm nèg ka kontré pou yo pé sav touvé on travay sèryé, pou yo pé sòti anba zatrap a délenkans-la!

     

    29 lanné, Mumia adan lajòl a yo!


    2 commentaires
  • http://t3.gstatic.com/images?q=tbn:ANd9GcR9v8RTV0psy5jGFGM0KNPhor_wfeKK7dhbEhLPBd1YckZC5jY&t=1&usg=__IId8tQLwfs9lajqw_wOuToFuWLc=

     

    Gwadloupéyenn, gwadloupéyen

    Gwadloup an danjé

    Nou pé pa rété kon sa

    Fò nou mèt tout fòs an-nou

    Adan on sèl konba pou nou rézisté

    Dè jou an jou lènmi ka anvahi nou

    Fò nou fè atansyon

    Tan ka pasé

    Gwadloupéyenn, gwadloupéyen

    Nou tout ka doubout

    Tout ansanm pou nou pé

    Sové péyi-la

    E gannyé libèté an-nou

    Sové péyi-la

    E gannyé libèté an-nou

    E gannyé libèté an-nou

     

    Jéra Lokèl (1973)


    2 commentaires
  • http://t0.gstatic.com/images?q=tbn:ANd9GcT78HU6mW9kQrdG9RwZf2EWNB34s-kdf9uoLZhsyU0G_ImFaEc&t=1&usg=__WGcHAHumvgM2QSQn4UJ5MCZ3xkE=Misyé André Jean-Vidal-la maké adan jounal "Fwansmanti", kominis bizwen lendépandans ba péyi Gwadloup pou fè-y an réyalité rantré adan on dòt kalté dépandans. Kivédi kon péyi Domnik, chinwa é mériken té ké kolonizé Lagwadloup. Ka nou pé konpwann adan sa? Mériken é chinwa ka kolonizé Domnik?  Domnik endépandan dèpi 1978 é kon on péyi endépandan, Domnik ka chwazi péyi i bizwen fè konmès èvè-y! Jòdi-la Domnik ka woulé èvè Lachin mé on jou i pé désidé kaskòd èvè Lachin é mété-y èvè Tayiwàn. Nou adan péyi an-nou, nou pé pa kaskòd èvè fwansé davwa nou toujou maré! Fwansé ka fouté pèp Gwadloup on pakèt timtim-bwasèk pou nou rété toujou anba grenn a-yo! Sa fwansé pè la, sé pèd Lagwadloup kivédi yo pè vwè pèp Gwadloup raché lendépandans a-y! Asi latè, pa tini enki zòt, nou pé woulé èvè dòt nasyon é sa sa ka fè zòt chyé!


    1 commentaire
  • Jòdi-la, pa ni mwayen moun lyanné èvè shakazulu.zeblog.com. An ka di sa pa on pwoblèm! Moun vlé anpéché Shaka woulé mé Shaka tini zouti an men a-y toubòlman! Zò fèmé blòg an-mwen, é ben an ké monté on dòt! An sav adan ki sistenm an yé! Lè on moun ka déranjé sistenm a-yo, yo ka éséyé fè fèmé gyèl a-y! E jòdi-la mi on dòt blòg an gyèl a-zòt! Non a-y http://gwakafwika.revolublog.com

     

    http://t0.gstatic.com/images?q=tbn:ANd9GcQps-w89wsn6clJc0tBL1sINXPkOlXR7rNYA-aqBtUfgQ1Jwn0&t=1&h=156&w=237&usg=__J6ogjzDsmFIR947Jwthmvk291pU=http://t3.gstatic.com/images?q=tbn:ANd9GcSTpqHLtYybXw603j97-IzPYMF2Ys2MPQeszf97fxO2m-pp2YU&t=1&h=174&w=160&usg=__ABGdyCE2jBG8lnUrn-OCNTpQm7k=


    2 commentaires


    Suivre le flux RSS des articles de cette rubrique
    Suivre le flux RSS des commentaires de cette rubrique