• Pétwòl, gaz natirèl anba lanmè Gwadloup? Sa senten!

    http://t1.gstatic.com/images?q=tbn:ANd9GcST0rB-2OQrAzitYMDPyTKWRwGVMAV406crXqprhinUZTgY6Tw_xg

     

    http://www.martinique.franceantilles.fr/images/2009/09/25/f4fc04cf1103c4abb8715172015a1f5f45725_fam_01.jpg

    Mi sa an pwan anlè "France-Antilles" Matinik. Dé pèrmi pou chèché pétwòl é gaz natirèl Gwadloup é Matinik. "Demande Concorde" pou péyi Gwadloup é "Permis de Caravelle" pou péyi Matinik.

    Sèlon Grynberg Petroleum, zòn Karayib-la sé on "play" kivédi on koté ou pé touvé onlo pétwòl é gaz natirèl.

    Alò zò konpwann pou ki biten fwansé pa ka sòti an péyi an-nou?

     

     

    Ni on moun ki di "awa" adan sondaj-la an mété ba zòt la. An ka voyé moun-lasa ay jété on zyé aka htpp://www.pyepimanla.com/greve-aux-antilles/articles/martinique/petrole-martinique.html. I ké vwè dèpi lontan miltinasyonal ka chéché pétwòl é gaz natirèl adan zòn an-nou. Pouki biten fwansé poko sòti Gwadloup é Matinik? Ki jan nou pé konpwann sé dé péyi-lasa pa ka fè sik osèryé ankò, sé dé péyi-lasa ni bon pwoblèm èvè pòyò, brèf swadizan péyi ki pa ka pòté ayen é an menm balan-la, fwansé poko fè paké a-yo? Si fwansé poko paré fè paké a-yo sé tini on biten ka entérésé yo anba lanmè Gwadloup é Matinik. Dèpi lélanné 80, Enstiti Fwansé a Pétwòl (IFP) té ja di sédiman ki anba Gwadloup é Matinik é byen dòt koté andidan Karayib-la, ansyen é épé. Alò oblijé tini pétwòl é gaz natirèl anba lanmè a Karayib-la é Loséyan Atlantik-la. On bon pati a kontinan améreiken-la té kolé èvè Lafwik adan on pasé lwenten. Si nou ka touvé pétwòl é gaz natirèl adan lanmè Giné, asiré pa pétèt an péyi an-nou Gwadloup nou ka touvé menm biten.Tout awk Karayib-la kouvè èvè pétwòl, i ka pati Trinidad pou'y bout jis Kiba!  Mé gwan manman pwoblèm-la, pétwòl-la é gaz natirèl-la ka touvé-yo fon, fon, fon anba lanmè-la. Ki fè pou lèmoman yo poko tini tèknik-la pou yo ay chèché yo. Toujou chonjé latèknik ka évoliyé. Alò sa senten, adan pa lontan, yo ké tini tèknik-la pou yo pé sav pwan pétwòl é gaz natirèl anba lanmè Gwadloup.

    Alò tou sé moun-la ki té ka di nou pé ké pé pwan lendépandans an-nou pas nou pa ni pétwòl, yo ké pwan pou grad a-yo! Aprézan nou pé palé gra! Nou tini an péyi Gwadloup, pétwòl é gaz natirèl! Lagwadloup sé on péyi ki rich!

    Fwansé ja konpwann sa! Alò patriyòt Gwadloup, nou ké lésé fwansé pwan pétwòl an-nou? Nou ké lésé fwansé pwan gaz natirèl an-nou?

    Aprézan-la, pa ni zafè a lotonomi ankò! Chonjé fwansé ja di, yo paré ba gwadloupéyen tout biten sòf lendépandans padavwa yo sav byen èvè lendépandans, pétwòl é gaz natirèl-la ké pwopriyété a on Léta gwadloupéyen!

    Alò pawòl a lélanné 80 plis ki janmen aktyèl. On sèl chimen...LEN-DE-PAN-DANS!

    On Gwadloup endépandan èvè an tèt a-y nonm é fanm solid ké pé woulé èvè péyi i vlé. Pou ay chèché pétwòl é gaz a pèp Gwadloup, nou ké pé travay èvè mériken, ris, chinwa, anglé oben nòvéjyen. E menm fwansé si nou vlé! Nou ké tini lanbara di chwa pas nou ké endépandan!

    Pétwòl-la sé tan-nou! Pétwòl-la, a pa ta yo! Yo pé ké fè sa yo vlé èvè pétwòl an-nou!

    Gaz an-nou sé tan-nou! Gaz an-nou, a pa ta yo! Yo pé ké fè sa yo vlé èvè tout gaz an-nou!


    Dènyé kamo! An bout a mwa jen-la ki pasé la, Grynberg Petroleum signé èvè chinwa an vil Shangaï déotwa papyé ola yo ka di chinwa ké pé ay fouyé anba lanmè andidan Karayib-la. On zòn ki ka pati Grènad é ki kay jis an péyi an-nou Gwadloup. Chinwa sé sèl nasyon ki pé kapab fè sa é sé pou sa yo kriyé yo. Moun ka di sé pli gwan wouchach chinwa kay fè an péyi déwò.  E konm nou sav chinwa pa ka déplasé pou ayen, nou pé konpwann tini bon biten anba an-nou la. Gwadloupéyen pa menm sav yo sizé anlè on min lò!


    Tags Tags : , , , ,
  • Commentaires

    1
    NègARY
    Jeudi 15 Septembre 2011 à 18:25

    Si jamé i tini fè pa yo konprann yo kay fè "françkaraibe" a yo démaré.

    Nou ké vwè lalimyè si sa konfiwmé...

    2
    SHAKA (Gwakafwika) Profil de SHAKA (Gwakafwika)
    Jeudi 15 Septembre 2011 à 20:05

    Kanmarad, ou ka douté? Ou konpwann sé pou ayen sé moun-la ka véyé Gwadloup kon sa? An ka di-w, oblijé ni sa sé mésyé ka chèché la! Fò konpwann tout Karayib-la dwèt kouvè èvè pétwòl oben gaz natirèl. Chonjé yo ka touvé pétwòl Trinidad ki adan sid a Karayib-la é Kiba ki pli onò. Chonjé osi kanmarad, an réjyon Pòtopwens an Ayiti dwèt kouvè èvè pétwòl! Amériken pa ka débaké aka moun pou ayen! Sèl pwoblèm a sé mésyé, yo poko tini tout matòs-la pou yo ay chèché-y, tèlman i fon anba lanmè-la!

    3
    SHAKA (Gwakafwika) Profil de SHAKA (Gwakafwika)
    Vendredi 16 Septembre 2011 à 20:20

    Kanmarad, mandé-w pou ki biten gouvèlman fwansé pa jen présé voyé on pèrmi pou yo ay sondé anba lanmè Gwadloup é Matinik. Pas yo sav a pa adan entéré a-yo! An ka di-w, fwansé sav byen tini idwokarbur anba an-nou osinon yo pa té ké pè voyé sé pèrmi-la ba moun! Pétwòl-la Giyàn, ou konpwann sé jòdi yo dékouvè-y? Dèpi lontan sé mésyé sav i la. Lè yo vwè moun pé èspwaté-y é lè yo vwè sa ka rantré adan entéré a gouvèlman fwansé, yo désidé voyé kamo ba sé pèp-la. Kanmarad, fò'w sav èvè sé mésyé, tout biten ka fèt anba fèy!

    4
    NègARY
    Samedi 17 Septembre 2011 à 00:20

    Ou sav kanmarad sa pa ka étoné mwen ditou sé mésyé ja alé sondé adan dlo karayib-la pou sav ka ki ni ! mé an ka rété pridan, pa anvi palé two vit...yo malen yo sitou fò avè on pakèt sa yo kriyé stratéji !

    Mé alé yo fin fè nou valé koulèv !!!

     

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :