-
On madanm an tèt a LiPLG
Linyon Popilè pou Libérasyon a Lagwadloup (LiPLG)
tini on nouvo sèkrétè jénéral.
Pannan patriyòt Gwadloup kay menné misyé Rèné Chicaté ansyen sèkrétè jénéral a LiPG (Linyon Péyizan Gwadloup) adan dènyé kaz a-y, LiPLG adan kongré a-y dimanch té ka mété an tèt a-y on sèkrétè jénéral ww. E sé on madanm militan a òganizasyon-la éli. Non a-y man Marie-Christine Myre-Quidal. Sé prèmyé fwa on òganizasyon endépndantis ni on madanm an tèt a-y. On òganizasyon ki ni toujou pou misyon menné péyi-la asi chimen a lendépandans mé pou lèmoman i ka plito menné on konba pou on pouvwa gwadloupéyen. Kivédi fò péyi-la tini on kolèktivité Gwadloup èvè konpétans yo ké bay ki ta-y é konpétans i ké séparé èvè léta fwansé. Padavwa a pa pwojé a Lirèl-la ki ké détòtyé péyi-lasa!
Tags : pou, lipg, menne, oganizasyon, jeneral
-
Commentaires