• On krim nou ké lésé pasé?

    http://t0.gstatic.com/images?q=tbn:ANd9GcT78HU6mW9kQrdG9RwZf2EWNB34s-kdf9uoLZhsyU0G_ImFaEc&t=1&usg=__WGcHAHumvgM2QSQn4UJ5MCZ3xkE=18 novanm 1985 - 18 novanm 2010, kay fè 25 lanné mésyé, on ka-syèk on jandam rèprézantan a léta kolonyal fwansé té ka ASASINE on jenn gwadloupéyen, non a jenn-lasa Charles-Henri Salin! Jenn ti-boug-lasa té lékòl lisé Baimbridge. Jou-lasa, i té sòti sinéma é i té kay rantré a kaz a-y. E sé pannan i té ka pwan chimen a kaz a-y i kontré manblo! Kay pasé? Sa nou konnèt sé on jandam Michel Maas tiré dèyè do a jenn ti-boug-lasa. An moman-lasa yo té ka chèché on brakè mé konm pou yo tout nèg sé nèg alò sé kalté blan-lasa pa jen ka réfléchi avan yo pété bal asi moun! Jistis a-yo fè pèp-la kwè yo té baré jenn gason-la Bwasa alò kè yo kyouyé-y owa CHU-la Chovèl. Jistis a-yo touvé tout dyab é sé kòn pou yo té lagé jandam asasen-lasa! On jandam yo dékoré é ki alè ka bwè dlo a-y an péyi a-y!

    25 lanné apré, nou ké lésé zafè-lasa pasé?

    25 lanné apré, mouvman kiltirèl AKIYO ka fè pèp Gwadloup chonjé kyouyézon-lasa. Sa kay komansé jòd-la èvè on bokantaj a pawòl adan lokal a AKIYO menm é demen  yo ka envité tout mas kiltirèl déboulé an lari Lapwent èvè on tèm asi Réprésyon.


    Tags Tags : , , , ,
  • Commentaires

    1
    L'lkpis ArYblak
    Jeudi 18 Novembre 2010 à 23:08

    Nou tout ka sonjé byen évidaman jou novanm-lasa é ka komémoré kon i fo jenn tiboug-lasa

    michèl mass ASASEN ki-y yé ou péké pôté krim-lasa oparadi !

    2
    wenyji
    Dimanche 21 Novembre 2010 à 01:41

    ki jan an ka fè pou voyé ba blog aw an ti kréyasion tou simp men ki vlé di anlo biten

    3
    SHAKA (Gwakafwika) Profil de SHAKA (Gwakafwika)
    Lundi 22 Novembre 2010 à 19:29
    An pa sav mé ou pé toujou voyé-y adan grenn sèl a-w! Alò an ké éséyé vwè sa an pé fè!
    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :