-
On èsklav ka mandé mèt a-y mété zouk an-nou adan mizik fwansé?!!
Tini nèg ki pé ké jen sòti
adan kondisyon a-yo!
On dénonmé Olivier Bique (davwa non a-y maké asi nèt-la) ka mandé moun signé on pétisyon ola i ka mandé fwansé mété zouk an-nou adan mizik a-y. Ka nou pé konpwann? Si moun konpwann LKP té ja fè tout nèg pwan konsyans, yo lwen menm davwa ka rété on pakèt nèg ka rété kontaminé. Mi on prèv ankò fwansé ka konsidéré nèg adan koloni a-y kon moun étranjé é nèg-la ka vin pléré ba mèt a-y! Ki tan nou ké sòti adan sa?
Zò pé vwè-y asi bik a "Bondamanjak".
Tags : net, adan, met, nou, fwanse
-
Commentaires
2Gégé An-k OurMardi 5 Avril 2011 à 01:22yé lèpèp! yé bwa!!
""sacrillege!!!"" sé sa ou vlé kriyé?
pouki tout jèsmakak a bique ka chouboulé lèspwi a zòt?
nou tini pli mové ki sa. nou fè gwoka-la rantré an légliz a Yo, soumèt li a "bondyé a Yo". Glorifié biten a Yo epi mizik a kréyatè-la, épi sa nou tini ki pli sakré. An-k pé di zòt sa ka fè pli mal.
mi sé la "sacrillege" la yé. rèstan sé pisa a gembo.
Ajouter un commentaire
An té ja di'w sa kanmarad... malérèzman ni déotwa nou pé ké pé rékipéré...tèlman sé moun-la asimilé é enmé sistèm a kolonyalis-la !!! moun-la ka bwè i ka manjé a gou a kè'ay i tini on ti-travay i ka fè'y viv ou ké voyé'y goumé ba'w ?