-
On émétè sèryé ba Radyo Tanbou!
Dèpi plis ki on simenn, Radyo Tanbou Banbou ni on manman pwoblèm asi bann FM a-y. Emétè a-y woutonbé an pann! An ka chonjé an 2004 an ka kwè, yo té ja chanjé-y mé fò kwè sala yo té mèt-la pa té jen soilid! I sifi on mové tan osèryé déklaré an péyi-la, émétè a radyo-la ka soufè. Mi la i tonbé an pann!
Kon yo ka di jòdi-jou, "l'argent c'est le nerf de la guerre". Wi Radyo Tanbou Banbou ka manké lajan. On lajan osèryé pou'y fouté on émétè osèryé asi mòn-la. Pannan mouvman a LKP, annou imajiné on minimòm a 20 000 moun té ké bay 1 éwo tousèl ; sa té ké ja fè 20 000 éwo minimòm! Èvè plis ki 20 000 éwo, RTB té ja achté on manman émétè pou kouvè tout péyi Gwadloup. Nou té ké jis tann li Sentlisi!
Fò pa nou obliyé nou ka menné on gawoulé kont pwofitasyon kapitalis é kolonyalis an péyi Gwadloup. Tout konba ka komansé èvè kominikasyon davwa lèlmi ka sèvi èvè sa onlo, onlo, onlo! Radyo Tanbou sé on zouti filé mé on zouti filé ki délè ka tòtyé. Sé pou sa fò gwadloupéyen ba radyo-lasa on fòs osèryé pou'y kontinyé woulé asi bann FM an péyi-la.
Radyo Tanbou Banbou, radyo a pèp Gwadloup! On radyo a jòdi èvè lidé a dèmen!
Pa kont radyo-la, zò pé tann li asi nèt-la mé konm i pé pa woulé asi bann FM-la, sé enki mizik zò pé tann pou lèmoman asi-y!
Tags : radyo, asi, tanbou, emete, pou
-
Commentaires
2Kanmarad ARYLundi 23 Mai 2011 à 21:39Sé sa an rèmaké kanmarad ni dé jou ! Lidé a on éwo pa moun pa mové kôm lidé pou ranmasé on moné pou ba RTB fôs-la...sé on lidé séryé toubôlman ! Lansé lidé-la pou vwè ka NOU ka fè...nou pé pa rété konsa...sé on lanmen ka lavé lôt !
RTB woukomansé bay asi bann FM-la! Mé an toujou ka pansé fò yo chanjé émétè é mété yonn ki lontan pli fò!
Suivre le flux RSS des commentaires
Ajouter un commentaire
RADYO A PEP-LA
105fm ouben si nèt-la
Pèp gwadloup
ka kouté opipirit chantan
Davwa an mès é labitid-a-y
Sa i tann fè-y konprann
Ki fè si ka wouvè pôs a-y si
Radyo Tanbou Radyo Banbou
Sèl radyo opéyi
Ka ba-w tout dékatman
E ki ka enfowmé-w
An tan é an lè
Si sa ka pasé an péyi-la
Evè byen évidaman lé animatè
Alendikatif prézan
ki pa pèd fil a yo
Ki pa dé kôk a bèl pôz
Ka liyanné an dirèk
Evè travayè ki sanblé
Ka rèfizé èsplwatasyon
Dépi LKP wouvè zyé
Pli ki janmé
Radyo a jôdi èvè lidé a dèmen
Rété kouté Tann pou konprann
Radyo Tanbou Banbou Radyo a pèpGwadloup
RTB pou lé entim...
K.A.