• On bèl fòs ba Laila !

    http://t2.gstatic.com/images?q=tbn:ANd9GcTCdZ7YSj_3A7b57PBY753S6u_LmX4l59SuVavfBu_FXEEtAxVsSi zò ka kouté nouvèl a RTB, zò ké tann délè Janklòd ka fasadé an téléfòn-la èvè on madanm ki adan lélanné 80 té mélé èvè léta kolonyal fwansé. Non a-y Laila Cassubie! On madanm militan a lakòz nasyonal ki fè lajòl ba pèp Gwadloup kon onlo patriyòt a péyi-la. Kèk lanné apré fwansé ba sé militan-la lawmisitis, man Laila Cassubie ka véyé jòdi-jou asi fanmi Gwadloup ki an pwoblèm. Davwa fò sé moun-la ki pa vlé vwè òganizasyon kon LKP konpwann a pa pas yo ka bonbansé an sistenm-la, tout gwadloupéyen ka bonbansé kon yo! Ou tini an péyi-la on pakèt fanmi an mizè! Menm lè yo ka woulé yo pa ka rivé sòti kò a-yo an kabouya-la. Lè'w péyé lwayé é tout kalté chaj, pa ka rété-w apré ayen pou bwè é manjé, pou lévé ti-moun a-w osèryé! E sé pou sa man Laila Cassubie ka résèvé tan a-y pou okipé-y dè fanmi an difikilté. Alò lè zò ka tann li asi RTB pou mandé pèp-la bay on fòs, zò dwèt ba madanm-lasa waka*!

     

    * waka : sé lè ou ka bat lanmen ba on moun ka fè bon aksyon.


    Tags Tags : , , , ,
  • Commentaires

    1
    LKPis NègAry
    Lundi 13 Décembre 2010 à 12:02

    Sa nowmal byen évidaman dè ni rèspé pou madanm-lasa é dè voyé on pakèt FOS pou travay i ka fè pou fanmi gwada lévé tèt-ay

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :