• Nou pé pa lésé biten kon sa pasé!!!

    http://t2.gstatic.com/images?q=tbn:ANd9GcQJc5gjdZE3RsvX69yQ54h_5l6SQRTO0Dfc8MZasNBjGUyiEqldToutmoun té anrajé, piplis konbatan a lakòz nasyonal an péyi-la. Ki jan nou pé lésé moun kon "chikològ" Errol Nuissier vin maké bétiz anlè mòso papyé? Ka ti-misyé-lasa di? I di menm biten i té ja di an 2009. I di si tini onlo vyolans an Gwadloup sé parapòt a LKP! E ou ka touvé jounalis kon Eric Rayapin é André Jean Vidal ka vin répété sa! Ki jan nou pé asèpté sa? Ki jan politisyen bwabwa pé asèpté sa?

    Mé pli bèl-la ka vini. Adan menm rapò-lasa, yo ka di vyolans ka fèt an péyi-la sé parapòt a nèg. Sa kivédi nèg té ké ni adan jèn a-yo vyolans! Ki jan nou pé asèpté sa? Ki jan politisyen bwabwa pé asèpté biten kon sa? Padavwa sé sa sé mésyé kay répété adan kongré a-yo yo ka fè jòd-la. On kongré ki pa légal padavwa on kongré fèt pou palé asi évolisyon enstitisyonnèl é èstatitè a péyi-la. E sé poukwa lagòch altèrnativ pa kay rantré adan maji a kongré a-yo pas i pa dakò èvè sa yo maké adan rapò a-yo. Lagòch altèrnativ réyaji èvè dignité!

    LKP é dòt mouvman patriyotik pa asèpté sa nonplis. E sé pou sa LKP sòti démo maké asi sé kalté pawòl-lasa.

    Tini nèg Gwadloup ki voté an mas ba Lirèl-la an 2010. Mi menm Lirèl-lasa ka vin méprizé yo! An toujou di zòt, Lirèl pa ka santi-y nèg!


    Tags Tags : , , , ,
  • Commentaires

    1
    nubia
    Lundi 7 Novembre 2011 à 15:10

    yo bwizen tchouyé LKP, mé sa ka fé nanni-nannan péyi la ka fé dèyè. Moun  ouvè zié asi pwofitasyon é razism an ba fèy (ou o gran jou) ki ni kont nèg. Enkò dé tèz pou fè nou ray nou.

    2
    ARY x...
    Lundi 7 Novembre 2011 à 21:55

    An vwè jistèman asi télé a yo jacques kancel(konséyé général a PCG) adan émisyon a jacky masicot. Li menm di awa yo pa kay fouté pyé a yo adan sé kalité sanblé-lasa. Yè pa kont an tann monsô fè-la Eli ki té envité a Janklôd si RTB andan émisyon gwan kôzé. Konfètmanti, i bay tout dékatman a afè-lasa, i pwan-y touné é viré-y an tout sans, é vin rivé pa di, NOU pé ké pwan-y !!! Evidaman i voyé labou adan démo maké a misyé errol nuissier, li ki o o zôd pou kriminalizé é diskrédité mouvman zouti filé LKP. I ékri kè vyolans ki ka fèt o péyi ka fèt pa moun dowijin afriken ! Pawôl-la rèd toubôlman mésyé...é kà sé zf LKP ki ka kréyé tout vyolans-lasa, simé tout hèn-lasa, ray politik an plas é pa enmé pwodui fwansé.


    Adan on pèp ki majowitèwman nèg é zendyen, ki mannyè ou pé rèlèvé vyolans ki pli enpòtan a on minowité ? é dayè pou yenn, ki ras ki ka soufè plis ?ki pa ka rivé jwenn lé dé bout ? ki ras ki ka sibi plis diskriminasyon a lanbòch ?...on gwan "anthropologue" o péyi menm touvé pou tribilasyon nèg é zendyen ka viv gwadloup li menm -ay ka touvé sa étonan pa ni pli krim ki sa...sé pou di-w ! Nou ni dé èkzanp ki fèt o gwan jou é kè yo pa té pé kaché, sonjé pa mannyé mwen sal nèg, sonjé ti-misyé-la ki té brilé kanno a on maren péchè si bouyant, sonjé on ti-misyé ki bat on madanm adan "guadeloupe dernière" a yo-la, an ka asiré zòt an pé kontinyé... ! France-"Manti", ou ja di tout gason ! nou pa kay fè on déba si sa, davwa sé biten a yo... Fè nou konèt ka ki érol machen, avan nou bay rézon san chèché a sav ka ki ti-misyé-lasa ki ka woulé pou yo ! i ni labitid a lè dépi démilnèf ... Gwadloup sé tan nou !!!


     

    3
    ARY x...
    Samedi 12 Novembre 2011 à 11:17

    ZOUTI FILE LKP é LIGTG MENM KONBA


    Sé sendikalis pasifis
    Ki vlé plis jistis
    Pou koloni-gwadloup ki an détrès
    La an chimen lajénès
    Ka tréné san édikasyon
    Pa ni pon solisyon
    San èspwa pou vwè dè jou méyè

    4
    nubia
    Samedi 12 Novembre 2011 à 23:56

    Bel ti pawol ...

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :