• NOU LA!

    http://t2.gstatic.com/images?q=tbn:ANd9GcRN5Eh8gvSEg8RGVOC8RsHzFXqcNw2SU30oGujhOcK8-szkdOTxxw

    NOU LA!

     

    Nou la! Wi, nou répété sa! Jòd-la nou montré moun ki konpwann LKP té ké mò, nou vivan é byen vivan! 20 000 moun omwen déboulé lari Lapwent é rété pòsté douvan lanbasad a fwansé Lapwent! Kivédi soupréfèkti a-yo ba séla ki pa konpwann! Nou rété ka atann répons a-yo é konm nou vwè yo pa ka réponn, nou woufè on dòt lantou an vil-la èvè on chanté "Alé di yo! Téléfoné yo! Alé di yo pon-la baré nou pa ka débaré!". Jistan nou rété ankò douvan lanbasad a-yo! Nou rété douvan-y bon enpé tan èvè entèwvansyon a sé kanmarad-la ki té ka défilé douvan mikro-la! Kanmarad Ary, ou té dwèt la padavwa pèp an-nou montré yo sé gwadloupéyen doubout pikan! A pa pou zafè a 200 éwo oben pou tout kalté avantaj matéryèl sèlman mé sé pou rèspè an-nou! 20 000 moun montré yo sé on pèp, on nasyon an péyi-la! 20 000 ja konpwann sé on konba ki pli pwofon ki sa! Ka rété nou bon enpé ankò pou nou menné adan konba-la! Dayè kanmarad, ou ka tou konpwann mouvman-la ka kontinyé é sé pou sa mèt a mannyòk a LKP ba pèp-la mo pou dèmen maten a huitè douvan bik-la pou apré nou ay rann yo ankò on ti-vizit douvan lanbasad a-yo ankò jistan yo wousivwè nou! Fò sé mésyé konpwann, yo dwèt rèspèté sa yo signé èvè LKP! Si moun vlé grèv-la diré mwen lontan posib, fò yo vin an mas douvan lanbasad a-yo! "Lagwadloup sé tan-nou! Lagwadloup a pa ta yo! Yo pé ké fè sa yo vlé adan péyi an-nou!".


    Tags Tags : , , , ,
  • Commentaires

    1
    Kanmarad NègAry
    Mercredi 15 Décembre 2010 à 10:39

    Wi kanmarad nou la é nou pé ké fè dèyè !!! 

    Pèp-la doubout dwèt kon pikèt ké pliyé pé janmé kasé alendikatif prézan opipirit chantan pou méné konba é fè yo rèspèté angajman yo pwan

    YO PE KE FE SA YO VLE ADAN PEYI ANNOU

    Mèsi Tanbou (RTB) dè kenbé nou okouran an dirèk...

    é vou osi kanmarad èvè blog-aw

    LAGWADLOUP SE TAN NOU !

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :