• Nou ka voyé on fòs ba Lovely!

    http://gwadayouth.com/images/flag_guadeloupe.gif         http://www.guadeloupe-sport.com/local/cache-vignettes/L150xH101/moton50-31cd0.jpg

    Sé èvè drapo a nasyon Gwadloup

    manmzèl Agis-Lacazette kay konbat

    adan chanpyona panamériken jinyò

    ki ka fèt an bout a simenn-lasa Las Vegas (Etazini).

     

    Dèpi yè vandrèdi jis a bout a simenn-la ja komansé Las Vegas an péyi Etazini, 6èm chanpyona panamériken jinyò. Manmzèl Lovely Agis-Lacazette kay sèl rèprézantan a nasyon Gwadloup adan ripaj-lasa. I ka komansé konbat jòd-la koté huitè é dimi, lè Las Vegas. Adan poul a-y i kay bouwé èvè on mérikenn, on mèksikenn, on kanadyenn é on kòstarikenn. Nou ka èspré i ké monté asi podyòm-la. On ti-fi ki ni enki 14 lanné é ki kay fasadé èvè jinyò ki pli gwan ki-y. Nou ka voyé, tout pèp Gwadloup ka voyé bon fòs ba-y!

    Taekwondo Gwadloup sèl èspò a CIO ki trapé lendépandans a-y. Lanné pwochenn ékip nasyonal Gwadloup kay fasadé èvè dòt nasyon asi latè adan pwochen chanpyona di mond ki kay fèt an avril an Ejipt. An nou imajiné on kontré on gwadloupéyen pé fè èvè on...fwansé adan chanpyona di mond-lasa!


    Tags Tags : , , , ,
  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :