-
Nou adan òganizasyon WTF!!!
On bon, bon, bon nouvèl ba èspò Gwadloup! Wi sè é fwè Gwadloup, péyi an-nou èvè kat dòt péyi kon Matnik, Wannda, Touvalou é Zil Kouk rantré dèpi sanmdi pasé adan fédérasyon enténasyonal a taèkwondo! Sa fèt a linanimité an péyi Koré di Sid ki sé fyèf a taèkwondo-la! Kivédi sè é fwè Gwadloup, péyi an-nou ké pé ay adan on chanpyona di mond!!! Kon péyi Fwans é kon nenpòt ki péyi asi latè, on konbatan Gwadloup ké pé fasadé èvè chinwa, iranyen, sénégalè oben pannyòl adan on chanpyona di mond.
On bon nouvèl padavwa nou ka èspéré vwè taèkwondo-la chayé sé lézòt èspò-la adan siyaj a-y. Alò nou pa ka pèd lèspwa vwè foutbòl an-nou, baskèt an-nou, atlétizm an-nou, bòks an-nou, hannbòl an-nou, volébòl an-nou, siklizm an-nou é tout dòt kalté èspò rantré adan fédérasyon entènasyonal.
On kèsyon! Lè péyi Gwadloup ké ay adan pwochen chanpyona di mond a taèkwondo, èvè ki drapo i ké ay?
Tags : nou, adan, peyi, gwadloup, taekwondo
-
Commentaires
Kanmarad, an bon kréyòl nou ka maké-y kon sa : "Piti a piti zozyo-la ka fè nich a-y".
Kanmarad, èspò-la douvan douvan pa rapòt a politik-la! On kèsyon! Ès èspò-la ké fè gwadloupéyen pwan konsyans yo ka viv adan on péyi?
3Kanmarad ARYMercredi 4 Mai 2011 à 23:46An pa kè kwè Gwadloupéyen kay pran konsyans fasilman pa èspô ! pa onlo dôt évènman pli sosyal an ka kwè ! an pé osi twonpé mwen ayen pa sèten...fè nou kontinyé konsa nou adan bon sans-la sé a fôs pran an men sèten évènman bay koulè a Gwadloup moun-la ké chanjé mantalité jété vyé labitid ayo...sa ké mèt malérèzman on pakèt tan pou nou chanjé sosyété-la... travay dèyè pôkô mannyé ! é kominikasyon-la èstrèmeman enpowtan !!! sa NOU konèt fè nou transmèt li...san ézité !!!
Ajouter un commentaire
Kon yo ka di an gran fwansé ayo : piti a piti lwazô fè son ni !!!
Listwa annou an wout...oséryé !