• Ni on biten ki fè mwen soté bomaten-la

    http://t2.gstatic.com/images?q=tbn:ANd9GcQd0QAAK9XT5gCy7oC75ilI0V3VnpbfT7cPJ22BcgngeTSM0Avy

    Pété chenn a alyénasyon-la,

    on biten ki rèd an péyi Gwadloup.

     

    An ka kouté bomaten-la jounal a RTB é an ka tann on madanm rèsponsab a "Etablissement Français du Sang" (EFS). Madanm-lasa ni labitid palé an téléfòn adan jounal a Janklòd é bomaten-la i sòti dé fwa an bouch a-y on mo ki fè mwen soté. I di dé fwa " Cet été" pou palé dè gwann vakans an péyi Gwadloup!!!

    Menm si Gwadloup sé on koloni a fwansé, i pa ka touvé-y owa Senpyè é Miklon kan menm!!! Madanm-la ka kwè-y tèlman i an Fwans, pou'y Gwadloup tini menm klima-la. Gwadloup sé on péyi a chalè é an toujou konnèt dé sézon an péyi Gwadloup :  Karèm é livènaj !

    Karèm-la ka komansé an févriyé pou'y bout an mwa jen-la é tout rèstan a lanné-la sé livènaj.

    Sé sa an toujou di zòt, aprédavwa yo basiné moun èvè zafè a "métropole" san koloni-la ki kay èvè-y la, mi yo adan on zafè a "l'été".

    Asimilasyon, alyénasyon, dé biten ka kyouyé on pèp!

    Kouté rèdifizyon a jounal-la  an midi-la é oswè-la, zò ké tann li byen menm!


    Tags Tags : , , , ,
  • Commentaires

    1
    l'LKPis ARY
    Jeudi 30 Juin 2011 à 11:03

    Sé moun-la ka fè jé...krakrakra...fò-w di osi NOU pasé fwansé métwopoliten alè nou sé éwopéyen davwa stati annou iltrapériférik ka fè nou fè nonm...a pa kouyonnad...krakrakra

    Gwadloupéyen DOUBOUT souplé é wouvé zyé !!!

     

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :