• Moun pa ka viv a kokangn

    http://t2.gstatic.com/images?q=tbn:ANd9GcRf92eJwJ_KldCLa1WfJTEA8TlU5mkq_wI_Ww4XiTwZAzK6cvEN_gBomaten-la an ka tann misyé Jéra adan jounal a RTB déklaré moun Senmawten ka règrété èstati a awtik 74-la. Poukisa? Sé padavwa yo ka péyé enpo yo pa té ni labitid péyé. Fò zò sav lè Senmawten té on komin a Lagwadloup, moun Senmawten pa té ka péyé enpo, sé moun Gwadloup ki té ka péyé enpo ba yo. Alò si an konpwann byen, moun Senmawten té vlé rété viv asi do a gwadloupéyen? Sé kon si on moun ka di mwen, i ka rété on koté é sé on dòt moun ka péyé dlo, limyè, tout kalté chaj a kaz-la ; limenm pa ka péyé ayen! Sé sa yo ka kriyé viv a kokagn! Alò moun Senmawten pa té sav pouki biten yo té ka voté an 2003? Mi sé sa ki rèsponsabilité, pwan chaj a péyi a-w! E pawòl-lasa, an ké voyé-y osi ba moun Gwadloup. Lafwans sé on péyi endépandan! Moun Fwans ka péyé enpo! Lamérik endépandan osi! Moun andidan péyi-lasa ka péyé enpo! Sa ka fèt adan tout péyi! Pa kont sèl biten nou ka mandé, sé plito moun rich ki dwèt péyé sa! Kon Obama prézidan a Etazini ki ni lentansyon fè plis moun a lajan péyé plis enpo. Zò ja tou konpwann sé moun a lajan-la pa jen kontan padavwa yo ka jijé Obama bizwen mofwazé Etazini adan on dézyèm Kiba.

    Tout péyi ka péyé enpo alò an pa ka vwè pouki biten moun Senmawten té ké fè dèyè kaz asi sa. Kon moun Gwadloup pa dwèt valé pawòl a sosyalisfwansé  piskè si janmen sé sosyalis-lasa rivé opouvwa, yo ké kontinyé politik a sé moun a LiMP-la. Gwadloupyén pa révé! I ja lè pou nou rèsponsab andidan péyi an-nou!

    Sint-Maarten, pawti olandèz-la, nou pé konsidéré-y pwès kon péyi endépandan. Sèl konpétans ka rété anba men a Laoland, sé ladéfans é zafè étranjèr-la.


    Tags Tags : , , , ,
  • Commentaires

    1
    NègARY
    Mardi 4 Octobre 2011 à 14:55

    An tann bonmaten-la adan jounal a Jéra (RTB) mé an té ja li avan si bondamanjaj on madanm ki tini rantré'ay a lélizé(an vant a bèt'la) fann gèl'ay adan on aksidan dè la wout a Bémahò. Pli fò'la, la ponpyé vin pòté'y sèkou i rété i di : pa mannyé mwen sal nèg ! i pwofité pou voyé kracha, jiré tout nèg ponpyé dowijin afriken ki té alantou'ay é rivé pa yenn menm on kalòt. Nou pa sav ka jendam blan ki té la di. Antouka, yo déklaré madanm'la kon moun fòl é yo méné'y lopital Senklòd. 

    2
    SHAKA (Gwakafwika) Profil de SHAKA (Gwakafwika)
    Mardi 4 Octobre 2011 à 20:29

    Kanmarad sé sa an maké asi sijé a jòd-la "Ka'y ka fèt an péyi a moun-la?"

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :