-
Mi foto a-y!
Nou pa ni lizin a zarm an péyi-la
Pannan bout a simenn-la otila gwadloupéyen té ka fété nwèl a-yo, dé jenn ti-boug té ka pèd vi a-yo an péyi-la. Ankò on fwa! Prèmyé-la pèd vi a-y a dézèd'maten "Petit Pérou" Zabim adan on aksidan loto.I té ni 25 lanné! Lòt-la touvé lanmò "Trioncelle" Bémaho aprédavwa i wousivwè on kout'kouto an vant a-y! I té ni 19 lanné! Asasen a-y té ki enki 17 lanné!
Alò lè an ka tann gwadloupéyen ka wouklé padavwa LKP té ké kyouyé nwèl a-yo, an ka di désidéman sé gwadloupéyen-lasa poko konpwann ayen! Adan 120 pwen é kèk a rèvandikasyon a LKP ni on larèl ola i ka goumé pou yo mèt si pyé on " plan d'urgence pour la formation des jeunes". Tousa pou jenn sòti an lari-la davwa lè ou an lari-la, ou ka trapé tout vyé mès ki ni. On jenn kyouyé on dòt jenn an mitan nwèl! Dé fanmi adan penn é tribilasyon! Mi foto a-y!
Tags : jenn, lanne, nwel, gwadloupeyen, adan
-
Commentaires
L'oisiveté est la mère de tous les vices ! si yo té ja apliké "plan d'urgence professionnel" pou jénès-la pétèt yo té ké pli okipé lajouné é pa té ni tan jwé o kôbôy an lari a gouvènman-la
Mésyé apa kouyonnad ! kon ou ka di kanmarad sèten opéyi plito ka vwè mouvman-la ka déranjé yo ka véyé a vwè si sa pé ké anpéché yo fè ti nwèl a yo alô kè LKP ka goumé pou yo pou aboli tout kalité biten-lasa
Mésyé apa kouyonnad travay dèyè pôkô mannyé pou konsyantizé pépgwadloup é fè yo konpwann ni lavèni a ti-moun annou an jé