Drapo gwadloupéyen-la pannan défilé a sé délégasyon-la pou wouvè chanpyona panamériken a surf Lanzbètran Gwadloup.

Menm lig foutbòl gwadloupéyenn-la pa menm té ni asé grenn pou prézanté drapo a nasyon an-nou an Karayib-la. E poutan nou sav tini patriyòt adan lig foutbòl an-nou. Apré taekwondo-la, mi surf-la pa pè afiché drapo a péyi Gwadloup!

Zò ka vwè drapo Gwadloup ka akonpagné drapo kiben-la. Wi mésyé, karibéyen nou yé, karibéyen nou ké rété!

Zò ka vwè osi ni tout koulè dèyè drapo an-nou! Alò lè an ka vwè déotwa nèg an péyi-la toujou dèyè on drapo fwansé, an ka di vrèman adan kabèch a sé nèg-lasa, tini pwoblèm!