-
Mi drapo a-zòt!!!
On jenn gwadloupéyen
kay éséyé pòté méday
ba péyi a-y!
Tout moun an péyi Gwadloup ki gadé jounal télé yè swa dwèt vwè-y! Sòf si télé-la té an nwè é blan, toutmoun vwè-y byen menm! Wi mésyé, pannan déboulé-la té ka wouvè dizyèm chanpyona panamériken a surf an vil Lanzbètran an péyi Gwadloup, toutmoun dwèt vwè jenn gwadloupéyen pòté drapo a nasyon Gwadloup èvè koulè a-y...wouj, jòn é vè!
Sé jenn-la ka fè travay a sé politisyen bwabwa nou ni an péyi-la.
Mésaj-la sé, menm si nou ka rété toujou anba pat a fwansé, nou gwadloupéyen dabò!
Kon manman-mwen té di mwen lòtjou : "Sé blan-la ka montré zòt, mi drapo a-zòt!".
Zò pa'a kwè mwen? Alò gadé jounal a dimanch 13 novanm asi sit a "Guadeloupe 1ère"
Tags : peyi, drapo, gwadloup, gwadloupeyen, nou
-
Commentaires
An pa fè envantè a télé ki ka rété an nwè é blan pou sav si i ka rété mé an pa kwè ! Padavwa an sav ayen pa chanjé, pèp an mwen enmé bèl biten ! kon yo ka di : tou bo tou nouvo ! asiré pa pétèt chak moun-la ni on ékran-pla andidan kaz-ay, dènyé kri dè pwéférans...Mimi-y !
Patriyòt sav sa yo vwè. Sé pwoblèm a sa ki konèt yenki koulè a drapo a yo é ki pa pan janmé ni chwa chwazi on dòt koulè ! An sav kanmarad sé pou nou ki an vant a bèt-la ou ka voyé si "guadeloupe 1ère". Pa fann, patriyòt imigré ja aboné