• Mayòt : on jandam blésé on ti-moun an zyé, silans Radyo é télé!

    http://www.leprogres.fr/fr/images/394AFEDA-F190-4001-87AA-D19340AEC1FF/LPR_02/un-enfant-blesse-par-flashball-a-mayotte-un-gendarme-en-garde-a-vue.jpgSé enki jounal "France-Antilles" ki palé asi sa adan sé dènyé paj a-y la. E sé enki jòd-la! Poutan sé on zafè ki pasé dèpi vandrèdi. Yo pa jen palé dè sa asi "Guadeloupe dènyé" a-yo! Ka'y té pasé vandrèdi-lasa? E ben on jandam té blésé an zyé on ti-moun Mayòt. Ti-moun-la ni 9 lanné é i ké pasé rèstan a vi a-y èvè on zyé an mwens. Wi, ti-moun-la pèd on zyé. E si i pèd li sé parapòt a jandam-lasa ki tiré asi-y èvè sa yo ka kriyé on flachbòl. Pou'y té pé blésé ti-moun-la kon sa, i dwèt tiré toupré-y menm!

    E wi, moun Mayòt, an té di zòt sa! Zò ay rantré an gèl a lou-la lè zò chwazi vini départèman fwansé. Zò pa sav sa zò fè la! Sé kon si diré, zò vann péyi a-zòt ba blan!

    Dayè ni on vidéo asi sa ola zò ka vwè jan ti-moun-la blésé. Non a sit-la, mimi-y!

    http://www.linfo.re/-Faits-Divers-/Enfant-blesse-a-Mayotte-un-gendarme-en-garde-a-vue?ps=397475

    Jandam-lasa pa rété lontan an gardavu piskè i ja déwò èvè swadizan on mizan ègzamen. Nou pé kondéré jandanm-lasa pé ké kondané!


    Tags Tags : , , , ,
  • Commentaires

    1
    NègARY...
    Mardi 11 Octobre 2011 à 14:55

    Ayen dè nouvo anba syèl blé'la ! Tousa ki désidé rantré anba joug a léta métwopoliten, kay trété kon tout koloni fwansé ja ni !

    Asiré pa pétèt, jendam'lasa kay fè zèl ! imajiné sé on mahowé ki ké fouté on jendam on vyé koudwòch ....ou té vwè zafè !

    Pétèt jendam-lasa sa fou, yo ké méné'y an spy...zòt pa konpwann ?

    Sé silon sa ou yé rich ouben pòv jijman a yo ké rann vou nwè ouben blan !!! 

     

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :