• Kilti Gwada ka déranjé yo!

    http://t1.gstatic.com/images?q=tbn:ANd9GcRZcxJuRScPiX7tJq-X6eegrbz3lRJ_rf_3IAKK5rFZ1zjZ9UVw

    Fò nou fè yo rèspèté tanbou

    Gwadloup!

     

    Asi bik entèwnèt a jounal "Fwansmanti", an jété on kouzyé davwa fò nou toujou jété on zyé aka lèlmi é an ka dékouvè moun ka di bétiz ankò on fwa anlè mès é labitid a pèp Gwadloup. Jounal-la té ka palé asi èspozisyon a fwè-la Yves Thôle ; sé moun-la mété-yo ka di bétiz anlè tanbou an-nou!  Ou pé senten sé moun-lasa sé fwansé! Aprédavwa yo mal palé kréyòl an-nou, yo mal palé kat lidantité nasyonal Gwadloup FKNG mété si pyé, yo dèyè gwoka an-nou pou di bétiz!  Ba sé moun-lasa tanbou Gwadloup pa kilti sé on fòlklò. Mé nou ja konnèt! Ba sé moun-lasa pé pa tini on kilti nèg an Gwadloup padavwa pou yo péyi-la sé ta-yo! Magré nèg an majorité an Gwadloup mé yo ka touvé lèmwayen pou di Lagwadloup sé enki ta-yo! Gadé wòl a-yo aka sé kanak-la! Kant a an Afwik, pa menm palé! Lè sé blan-la ka vin enstalé-yo aka nèg yo sé mèt é sényè! Natirèlman a pa tout sé blan-la ki kon sa mé bon enpé adan yo! Lè'w ka débaké aka on moun, fò'w rèsptè mès é labitid a-y! Tini blan ka fè-y mé tini osi bon enpé ka dérèspèté péyi-la!

    Mé nou ké kontinyé woulé asi mès é labitid a pèp Gwadloup, ki yo vlé, ki yo vlé pa!

     

    Lagwadloup sé tan-nou! Lagwadloup a pa ta-yo! Yo pé ké fè sa yo vlé adan péyi an-nou!


    Tags Tags : , , , ,
  • Commentaires

    1
    NègARY
    Vendredi 28 Janvier 2011 à 10:42

    Sé mésyé enmé débaké aka lézôt fè sa yo vlé mèt yo alèz ayo fè konsi yo akaz ayo

    Ou pé pa enmé sa on lôt ka fè mé omwen rèspèté mès é labitid a on lôt sitou lè ou vin touvé-y si tè-ay tonnè !!!

    Sé a nou ankô dè koumé swa pou yo sipôté kilti annou swa pou nou gadé biten annou ki tan nou jan i yé

    Ou tann an di-w konba dèyè pôkô mannyé ?

    Mi bab pou Gwadloupéyen mi ! 

    2
    SHAKA (Gwakafwika) Profil de SHAKA (Gwakafwika)
    Vendredi 28 Janvier 2011 à 19:23

    Kanmarad, aprézan sé dèyè "Nasyon a Nèg Mawon" yo yé!

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :