• Ki tan on chèk maké an gwadloupéyen?

    Jòd-la an ka apwann aka sé fwè-la Bondamanjak, "Pôle Emploi" té ké rèfizé on chèk maké an brèton! "Pôle Emploi" té ké mandé man Ana Sohier maké-y an fwansé. Poutan sè é fwè Gwadloup, chèk-la té préyenprimé an brèton menm. Zafè-lasa komansé fè onlo wélélé an Fwans é adan lèmond (padavwa ni entèwnèt), "Pôle Emploi" té oblijé mandé man Ana Sohier padon!

    Gadé sa sè é fwè Gwadloup, Labrètagn an plen Fwans é poutan brèton ka mèt tout lidantité a-yo déwò! Drapo a-yo, chanté nasyonal a-yo é lang a-yo yo ka voyé monté! Pa kont an péyi Gwadloup, nou poko rivé an menm nivo ki sé brèton-la. Péyi Gwadloup ka touvé-y a 8 000 kilomèt dè Lafwans, nou lòt koté-la é poutan ou ka touvé déotwa gwadloupéyen ki pli fwansé ki fwansé-la limenm! Zò vlé rété fwansé mé chonjé zò gwadloupéyen dabò pou yonn èvè on kilti, èvè mès é labitid ki ta zòt fwansé kolonyalis bizwen fè nou pèd!

    Lang Gwadloup maké toupatou an péyi-la sé on rèvandikasyon a Lyannaj Kont Pwofitasyon! Alò pouki biten nou pé pa imajiné on chèk Gwadloup maké an kréyòl é kè nou ké pé maké adan lang a manman-nou osi lè nou ka péyé zafè an-nou?

     

    http://www.ouest-france.fr/photos/2011/01/07/110107143026655_58_000_apx_470_.jpg

    Mi foto a-y sè é fwè Gwadloup!


    Tags Tags : , , , ,
  • Commentaires

    1
    Kanmarad Ary
    Samedi 8 Janvier 2011 à 15:52

    Malérèzman nou pôkô paré pousa

    Fè nou pasyan é pétèt menm nou pé vwè sa rivé mé kôm tout biten kay tèlman vit nou pa jan sav

    Mé fo générasyon apré kontinyé konba-la an menm sans pou konsyétizé sa ki pôkô konpwann

    A pa anfwa nou kay pasé lanmen... 

    2
    SHAKA (Gwakafwika) Profil de SHAKA (Gwakafwika)
    Samedi 8 Janvier 2011 à 18:37

    Kanmarad, nou ké vwè aprémidi-la padavwa on vyé zozyo kay débaké an péyi an-nou adan on nèt'tan (prézidan a fwansé)! Nou ké vwè si  gwadloupéyen ké soukwé drapo blé,blan,wouj owa chimen! 

    • Nom / Pseudo :

      E-mail (facultatif) :

      Site Web (facultatif) :

      Commentaire :


    3
    SHAKA (Gwakafwika) Profil de SHAKA (Gwakafwika)
    Samedi 8 Janvier 2011 à 18:45

    Kanmarad adan sondaj-la, on moun réponn fò pa nou voyé lang a péyi an-nou monté, an té byen vlé sav ki moun é sa? Kévin-blan-la? Gadèdzafè rasi-la? Manglous tif-la? Awa? Oben on dòt? Yo ni dwa réponn "AWA" mé an té byen voudré sav ki moun?

    4
    Kanmarad Ary
    Dimanche 9 Janvier 2011 à 00:42

    Mwen osi mé nou pé jan rivé sav

    Ou ka di sé mésyé ka vin voté ? lol   si yo ka vin si blog-aw sé plito pou yo fè mako ayo !

     

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :