• Ki moun ki kyouyé Bob Marley?

    Ka fè 31 lanné on gwan awtis jamayiken kité nou. Non a-y Nesta Robert "Bob Marley". On kansè kyouyé-y. Mé kansè-lasa, ès yo mété-y an kò a-y? Sé sa onlo moun ka mandé-yo dèpi nanni-nannan. Gadé é sitou kouté vidéo-la, an mété ba zòt la é si zò ka konpwann anglé, zò ké fè zòt on lidé.

    Bob Marley sété on èspès dè Che Gevara. E kon Che Gevara, an dwèt ka kwè laCIA dèyè mò a-y. Kouté sa prézantatè-la ka di an débi a  émisyon-la :"Bob Marley was more dangerous than Mohamed Ali". Kivédi Bob té pli danjéré ki Mohamed Ali.

     


  • Commentaires

    1
    nègARY
    Vendredi 5 Octobre 2012 à 12:06

    An tan'n adan on émisyon ankò ki pasé si télé-la é an té ja li adan on liv ki ka rètrasé vi a Bob, sé on bobo i trapé an pyé on fwa i té ja jwè boul. Bobo-la agravé sa bay on kansè ! Pa rapòt a rèligyon-aw ki té Rastafafri, té ka anpéché-y koupé janm-ay...ki fè si kansè-la jénéralizé é méné-y alé on sèten onz mé. Sé sa an sav, mé ès yo ka di nou la vérité ? Si a pa nou menm ki fouyé pou sav ka yo ja é ka falsifyé, yo ké fè nou kwè sa yo vlé. E an ké toujou rèpwoché pèp an mwen jwè an jé a lènmi !

    2
    SHAKA (Gwakafwika) Profil de SHAKA (Gwakafwika)
    Mardi 9 Octobre 2012 à 19:58

    Sa kan menm étranj on bobo on moun ka trapé an pyé pa ka géri!

    3
    nègARY
    Mercredi 10 Octobre 2012 à 13:49

    An sav...mé sa ka fè moun ka di nou sé dé"parano"a fòs nou diskité tout vèsyon ofisyèl a yo ! Yo pé ké janmé di-w tout dékakman a lé zafè ! "Qui dit mot conscent", a pa sa yo ka di an fwansé ? Si ou pa dakò avè vèsyon a yo, ou ni on pwoblèm, yo sav apré jan dyabolizé-w...nou ka rété véyatif pou yo arété fè nou bwè dlo mousach pou lèt - pou yo fin méné nou an bato !!!

     

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :