Pa kwè kafé  sé on biten a blan! Moun ka konpwann pas yo ka bwè sa onlo an Fwans, kafé sé biten a blan! Awa kanmarad! Kafé-la sòti on koté blan pa jen kolonizé, an vlé palé péyi Etyopi! Yo di té ni lontan, lontan, lontan, an Etyopi, on boug ki té ka maré kabrit té vwè grenn kafé tonbé adan on kannari dlo cho é i té touvé-y bon aprédavwa i té bwè-y!

Wi kanmarad, kafé-la sòti Etyopi, i janblé lanmè wouj-la, i pasé pa péyi Yémèn, i rivé an Tirki pou'y bout Lòksidan!

Adan sé péyi mizilman-la, yo ka fè sérémoni a té mé an Etyopi, sé sérémoni a kafé moun ké touvé. Mimi-y!

Yonn adan sérémoni a kafé, zò ké touvé an péyi Etyopi