• Kadafi, manfou a-w!

    http://t0.gstatic.com/images?q=tbn:ANd9GcSkZ8_aN44eTK1i83kpFwn8XK4axJzbPHX3OeDA8aoyEf-LiZtRAlò Lòksidan pwofité révolisyon pété an Tinizi é an Ejipt pou'y fouté on kaka an péyi Libi. Kadafi prézidan a péyi-lasa té adan lélanné 80, 90, lèlmi a yo. E sibitman, i wouvin an lòdè a sennté ba yo pannan bon enpé lanné. Sa té tèlman vré davwa pa ni lontan prézidan a fwansé Sarkozy té wousivwè-y a kaz a-y Lélizé ola i té jous ba-y lotorizasyon planté on tant adan jaden a Lélizé. Fò zò sav adan mès é labitid a-yo, sé libyen-la ka dòmi anba tant. Mé konm zafè a Lòksidan mélé padavwa ka manké pétwòl, yo pwofité révolisyon pété Mwayenoryan pou yo fè sa yo fè Sadam Hisenn an péyi Irak an 2003. Chonjé Sadam té zanmi a-yo osi!

    Kadafi, manfou a-w! Ka dyab ou ay fè zanmi èvè sé mésyé? Lòksidan pa zanmi an-nou, yo pé ké janmen zanmi an-nou! Kadafi, ou té on gwan révolisyonnè an tan a-w mé ou rété two lontan an tèt a péyi-la. Lèpouvwa pwan kabèch a-w é ou pa touvé asé fòs pou'w té pé sav kité-y!

    Lòksidan bizwen ataké on péyi afwiken alò an bizwen vwè si sé bwabwa chèf déta afwiken-la ké di Lòksidan awa! Mwenmenm an-mwen, an pa'a kwè sa padavwa labann a Bongo, Sassou N'Guesso, Idriss Déby, Biya é konsò sé lavèt a mèt blan fwansé a-yo!

    Lafwans ki té swadizan zanmi èvè Lalibi sé-y prèmyé douvan-douvan pou'y ay lagé bonb asi péyi-lasa! E zò ka tou konpwann lè sé mésyé ka lagé bonb, yo pa ka diférans antrè sòlda é sivil. Nou pati pou on mové moman ankò!


    Tags Tags : , , , ,
  • Commentaires

    1
    NègARY
    Samedi 19 Mars 2011 à 15:05

    Gason a kadafi voyé komisyon pou nen-la i di'y :

    Kè kloun-la sarkozi ranbousé lajan papa'y pa ti-misié-la pou'y té fè kanpann'ay an 2007

    Evidaman sa ki pa étonan lélizé démanti... 

    2
    SHAKA (Gwakafwika) Profil de SHAKA (Gwakafwika)
    Samedi 19 Mars 2011 à 18:36

    Ki dòt biten ou vlé Lélizé di?

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :