• Ka yo vlé ojis?

    Par SHAKA (Gwakafwika) dans Sosyété le 4 Janvier 2011 à 13:17

     http://t0.gstatic.com/images?q=tbn:ANd9GcSUTu288ftMTVpWeSnYqhiQaqBAHKRXSRTYeznDi1e_hCbgwb6chttp://t1.gstatic.com/images?q=tbn:ANd9GcQFO7LDJvy5m0b_hPUkfq9JJIBK7QwuVyW1CI6NZm6EclFsY5zATw

    RSTA é RSA, sé dé biten diféran!

     

    Ka yo vlé ojis an ti-péyi-lasa? Ba travay valè oben ankò mèt lasistana douvan? Davwa jounal "Fwansmanti" ka mété adan tit a-y moun dwèt chwazi antrè RSTA é RSA. RSTA (Revenu Supplémentaire Temporaire d'Activité an fwansé) sé on lajan ka vin anplis anlè pèy a travay a-w alò kè RSA (Revenu de Solidarité Active) kay ranplasé RMI-la ; kivédi RSA sé on alokasyon. RSTA é RSA sé dé biten diféran. Moun ki dwèt touché RSA sé moun ka gannyé 1,4 "smic" mwens prim é akséswa. Mé konm léta kolonyal fwansé sé on léta bandi, i mété prim é akséswa adan-y ; kifè onlo gwadloupéyen pé ké touché RSTA. Alò yo ké oblijé rantré adan lasistana davwa yo ké mandé touché RSA-la. Nou sav sé lèMEDEF ki dèyè tou sé biten-lasa padavwa i pa signé akò Bino-la èvè entèsendikal-la an 2009. Sé mésyé vlé pa péyé fòs a travay a gwadloupéyen, yo vlé mété gwadloupéyen adan lasistana!


    Tags Tags : , , , ,

  • Commentaires

    1
    Kanmarad Ary
    Mercredi 5 Janvier 2011 à 16:16

    An tout jan nou gadé yo ka fè tousa yo vlé pou gwadloupéyen pa lévé gawoulé mé tout nonm pa nonm !

    San lajan nou pa awak si tè... si léta kolonyal ka distribiyé an pagal sé pou on bon rézon

    Konèt yo yo pa ka fè awak pa aza !

    Kontinyé asisté pèp pou yo trapé rèkonésans-ay é pa ni pon anvi pati okonba padavwa èvè fwansé nou ni asi pa pétèt on moné an plis pou ay adan lolo

    Ou ké voyé sé moun-lasa goumé ba-w ?

    Wi yo ka kontinyé volé kon volé fèt travayè ki ni dwa évè sa yo kriyé rsta kon yo ka kouyonné on pati èvè Akô Bino si menm fôm dè kalkil-la

    Répondre
    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :