• Ka'y ka fèt an péyi a moun-la?

    http://t2.gstatic.com/images?q=tbn:ANd9GcS_-oXOgQRvjyMMEkv2KaM62ArKkEFX7UhCYmUsktLdWxnJNMArBomaten-la, kon a labitid a-y, léta néo-kolonyal fwansé ka fè on pakèt jé èvè gèl a gwadloupéyen. Lajistis a-yo wouvoyé zafè a Madassamy on dòt jou pou i délibéré. Sa ka fè dézyèm fwa i ka fè-y! Ké rivé on lè moun ké arété jwé an péyi-lasa! Si zò pa ni ayen kont sendikalis, arété maji a-zòt!

    Yè swa, an pa jen konpwann télévizyon a léta néo-kolonyal fwansé "Guadeloupe dènyé" té ké pasé on émisyon yo té pasé lòtjou asi on dòt télé a fwansé "13ème Rue". On émisyon ki té ka palé dè sa larmé fwansé té fè gwadloupéyen an 1967. An ka kwè fwansé ankò pa menm pè pasé kalté émisyon kon sa davwa on bon pati a gwadloupéyen ja tèlman zonbifyé menm si yo di blan kyouyé nèg an Gwadloup, yo ké rété nofwap!

    Blan ki ka konpwann yo sé mèt é sényè aka nèg-la. Dènyé zafè : on fanm blan té kraché asi ponpyé nèg ki té vin pòté-y soukou apré on aksidan i té fè an vil Bémaho. I kraché, i kriyé sé nèg-la "sal nèg, kisisi, kisila". E i jous déklaré i ka pòté non a on fanmi béké. E magré sa, zò konpwann nou nèg nou ké konpwann? On bon pati a pèp an-nou ké kontinyé menné lajan adan gwan magazen a sé fann-gas-lasa!


    Tags Tags : , , , ,
  • Commentaires

    1
    NègARY...LKPis...
    Mercredi 5 Octobre 2011 à 00:07

    Nou ja byen konprann, fò'w té kenbé yenn, é chwa natirèl a jistis kolonyal pòté si kanmarad Mada. Padavwa léta fwansé pòkò janmé dijéré konba Michel méné istorikman pou rèkonésans a 27 Mé an Gwadloup...Mimi'y !


    PEP-GWADLOUP


    Fé pay rantré an lagè san baton
    Fè'y chèché a sav avan
    Tousa ki ja pasé
    Tousa ki ka pasé
    Pa ni dwa rété bwa-kwazé
    Pousa i ka viv anba joug a fwansé


    Sé on pèp plito zonbifyé ?


    Fé pay fè dèyè
    Péyi a-y an danjé
    Alendikatif prézan
    Fè'y pa pèd pon fil
    Pou sové sa ki ni a sové


    I pa anvi sav, i kontan sityasyon a-y ?


    NègARY...


     


     

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :