-
Ka pou nou Bwè é Manjé? Vilaj KBM-LKP sanmdi
Ka pou nou bwè é manjé? On larèl patriyòt a péyi-la ka pwan osèryé é sé kon sa yo désidé dèpi kèk tan, lyanné èvè pèp-la adan on konsèp yo kriyé vilaj KBM-LKP. On vilaj ki fè on prèmyé sanblé vandrèdi 27 avril pasé. On vilaj ola pèp Gwadloup té ka kontré èvè pwodiktè agrikòl a péyi-la. E sé kon sa pèp-la dékouvè tousa moun pé fè èvè gwozèy, jenjanm, chatengn, fouyapen, patat, moulikilen, tout jan kalté farin é tousa ka pousé an péyi-la.
Vilaj KBM-LKP kay woufasadé èvè pèp-la sanmdi ka vini la koté névèd'maten. On vilaj ki kay wousivwè osi pwodiktè Marigalant é Dézirad pas fò pa nou obliyé péyi Gwadloup sé on bann lilèt!
Wi, an déwò dè mobilizasyon, LKP adan on faz a konstwi péyi Gwadloup, fò toujou nou di pèp an-nou sa!
Pèp pa ka mandé souvrènté, i ka konstwi souvrènté!
Tags : vilaj, pep, peyi, nou, eve
-
Commentaires
Jou bato pa rantré fè pa nou mò fen !
Manjé lokal pou rété pòtan
Manjé manjé jaden pou ni fòs dèmen
Nou pa biswen manjé vini ayo
Manjé ki ka pousé si bato
Nou pa vlé manjé vini ayo
Ban nou manjé jaden dabò
Ban nou rasin pòyò é fwiyapen
Avè on bon koubouyon pwason
Pou vant byen plen
Pou kenbé on bèl moman...ary x...