• Jé panamériken-la bout

    http://upload.wikimedia.org/wikipedia/en/thumb/5/54/Guadalajara_logo_for_the_2011_Pan_American_Games.svg/200px-Guadalajara_logo_for_the_2011_Pan_American_Games.svg.pngDèpi yè dimanch, sézyèm jé panamériken-la bout an vil Guadalajara an péyi Mèksik. On bèl fèt popilè ki té ka sanblé tout èspòtif a kontinan amériken-la. Etazini dominé sé jé-la èvè 236 méday (92 an lò, 79 an awjan é 65 an bwonz). Kiba byen rèprézanté Karayib-la piskè i ka pwan dézyèm plas-la èvè 136 méday (58 an lò, 35 an awjan é 43 an bwonz). Brézil ka monté asi twazyèm mach a podyòm-la èvè 141 méday (48 an lò, 35 an awjan é 58 an bwonz).

    Guadalajara kay pasé rèlè-la ba Toronto (Kanada) ki kay òganizé pwochen jé panamériken-la. Séké an 2015. Nou ka èspéré vwè on délégasyon a atlèt gwadloupéyen Toronto!

    Jé panamériken 2011 Guadalajara (Mèksik)

     1. Etazini..........236 méday ( 92 an lò, 79 an awjan é 65 an bwonz)

    2. Kiba.............136 méday (58 an lò, 35 an awjan é 43 an bwonz)

    3. Brézil...........141 méday (48 an lò, 35 an awjan é 58 an bwonz)

    4. Mèksik..........133 méday (42 an lò, 41 an awjan é 50 an bwonz)

    5. Kanada..........119 (30 an lò, 40 an awjan é 49 an bwonz)

    12. Pòtoriko.......22 méday (6 an lò, 8 an awjan é 8 an bwonz)

    14. Jamayik.......7 méday (1 an lò, 5 an awjan é 1 an bwonz)

    21. Trinidad é Tobago...4 méday (2 an awjan é 2 an bwonz)

    27. Domnik........1 méday an bwonz.

    Ayiti pa trapé pon méday adan sé panamériken-lasa.


    Tags Tags : , , , ,
  • Commentaires

    1
    ARY x...
    Lundi 31 Octobre 2011 à 20:13

    Woulo kiba !

    2
    An-k our
    Mercredi 2 Novembre 2011 à 20:35

    é konmen ba gwadloup?   

    3
    SHAKA (Gwakafwika) Profil de SHAKA (Gwakafwika)
    Jeudi 3 Novembre 2011 à 13:01

    Pa fè jé! Zéwo piskè pou lèmoman nou poko adan! Sé pou sa CROSGUA té an péyi Mèksik pou fè péyi Gwadloup rantré adan fédérasyon olenpik panamérikenn-la. Alò nou ka èspéré vwè nasyon Gwadloup adan pwochen jé panamériken-la ki kay fèt an 2015 Toronto (Kanada).

    Dirijan èspòtif an-nou ka fè travay a politisyen an-nou!

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :