• Gwadloup adan Jé Lamérik Santral é Karayib-la pou 2014!

      http://www.atout-guadeloupe.com/photo/art/default/644019-786265.jpg?v=1289473956    http://t2.gstatic.com/images?q=tbn:ANd9GcRDOY_hNNixOn94O30IyNhEAASQDpFDd_rRoHCF6FA6kpmQBJAx                                                                

    http://t3.gstatic.com/images?q=tbn:ANd9GcTM7NfA38aMrkaclCft369iqAfhy0hQCZy4mOmsCebd9ccefKiH6A

    Sa fèt! Kon an té ka di zòt adan dènyé biyé an-mwen, nasyon Gwadloup rantré adan òganizasyon a komité nasyonal olenpik a péyi Lamérik Santral é Karayib-la, yo ka kriyé CACSO. Tou sa fèt gras a pal a péyi Ayiti. Wi misyé Jean Baker, prézidan a komité nasyon olenpik Ayiti é vis-prézidan a CACSO, pòté mannèv pou fè Gwadloup é an menm balan-la Matnik rantré adan òganizasyon-lasa. E sé sa ki fèt apré akò a Komité Entènasyonal Olenpik (CIO).

    Misyé Alain Sorèze prézidan a CROSGUA désidé sanblé onlo prézidan a lig é komité Gwadloup pou fè yo (sa ki poko fè-y) mété èspò a-yo adan fédérasyon panamérikenn. Pou lèmoman sé enki foutbòl-la, volébòl-la, taèkwondo-la, èskrim-la, bòks-la, bisiklèt-la, surf-la é gòlf-la ki ja afilyé adan konfédérasyon panamérikenn a-yo. Misyé Sorèze ka konté asi natasyon-la é atlétizm-la.

    Tout sé èspò-lasa dwèt filé zouti a-yo, paré atlèt a-yo, pou yo pé rèprézanté nasyon Gwadloup kon i dwèt yé adan Jé Lamérik Santral é Karayib-la ki kay fèt an 2014 an vil Veracruz an péyi Mèksik.

    CROSGUA alèkilé, ka pòté mannèv pou fè Gwadloup rantré osi adan komité nasyonal olenpik panamérikenn-la (PASO).

    Komité nasyonal olenpik adan CACSO :

    Awouba, Antig é Bawbouda, Bahamas, Bawbad,  Bèmid, Béliz, Zil Vyèj Anglé, Zil Kayiman, Kolonbi, Kòstarika, Kiba, Kiraso, Domnik, Sendomeng, Salvadò, Grènad, Gwadloup, Gwatémala, Giyàn, Ayiti, Ondiras, Zil Vyèj Mériken, Jamayik, Sentlisi, Mèksik, Matnik,  Nikaragwa, Panama, Pòtoriko, Senkis é Névis, Sirinam, Trinidad é Tobago, Senvensan é Grènadin, Vénézwèla.


  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :