-
Gadé yo èvè 18 jen a-yo la
Léta kolonyal fwansé ka plen kabèch a-moun èvè zafè a 18 jen ola jénéral DèGaule a-yo té mandé pèp fwansé rézisté kont Lalmagn nazi. Menm jénéral-la ki pa té anvi lagé Laljéri é tout koloni Lafwans té tini. Pannan lagè sé enki on minorité fwansé té ka rézisté, tout rèstan kivédi majorité-la té ka kolaboré èvè lokipan. Plis ki 60 lanné apré, yo vlé fè nou kwè tout fwansé té rézistan!
Sé kon pou péyi an-nou Gwadloup. On pakèt gwadloupéyen ka kolaboré èvè léta kolonyal fwansé. Mé annou imajiné on jou péyi Gwadloup libéré é tout biten ka pasé byen, 50 lanné apré ou ké tann tout gwadloupéyen té endépandantis!
18 jen, jou a rézistans a fwansé douvan alman. 18 jen 2011, Lafwans ka okipé péyi Gwadloup toujou!
Sa ki bon pou zwa pa dwèt bon pou kanna!
Tags : fwanse, eve, jen, pou, peyi
-
Commentaires
Kon an labitid ayo konté pawòl initil pawòl a péprè pawòl an pagal !