• Fò pa sé mésyé konfonn tourizm é imigrasyon!

    http://t1.gstatic.com/images?q=tbn:ANd9GcTxCEQTj_YzDX3QIjCgLnCMavlWfmooMSv1Fg2Ej3mq7LOHUtbzTini déotwa blan-fwans ki toujou fè nou valé on zafè a tourizm mé on tourizm èspésyal. On kalté tourizm ola sé kalté blan-fwans-lasa té ké débaké an péyi Gwadloup, yo té ké touné viré-gadé pannan on simenn, yo té ké woupati an péyi a-yo pou apré yo té ké woutouné Gwadloup enstalé-y on fwa on fwa! Si avan sé kalté blan-fwans-lasa té ka montré bèl figi, on fwa yo té ké rété an péyi an-nou, yo té ké chanjé figi! E sé kon sa dèpi toujou tini déotwa adan yo ka jis mandé-w ka'w vin èché la lè ou ka déplasé-w an péyi a-w ki ta-w! Nou tini onlo témwanyaj a gwadloupéyen asi konpòtasyon a sé kalté moun-lasa. Défen Aimé Césaire té ka palé nou dè on zafè a "génocide par subsitution". Mi travay-lasa sé moun-lasa ka èché fè an péyi an-nou èvè konplosité a politisyen bwabwa an-nou!

    La, a pa tourizm ankò sé limigrasyon! On tourizm pou mwen, sé on moun kèlanswa péyi-la i sòti la, ka vin débaké an péyi an-nou, ka touné é viré, ka dépansé lajan a-y a kaz an-nou é apré ka fè zafè a-y. Mi sé sa on touris! Mé sé kalté blan-fwans-lasa vlé kouyonné nèg èvè zafè a on tourizm yo vlé fè ba péyi-la. Mwenmenm, an ja konpwann ki kalté tourizm yo vlé mété an péyi-lasa. Ni sa ka konfonn tourizm èvè imigrasyon!


    Tags Tags : , , , ,
  • Commentaires

    1
    Kanmarad ARY
    Jeudi 5 Mai 2011 à 15:40

    Anw... yo ka vin sondé téren-la é wouviré apré okipé ! Evidaman ayen pé ké maché byen pou yo san konplisité a bwabwa annou...pa plis ki sa !!! alô sa endispansab sa ka vini irjan nou véyé dè pré imigrasyon-lasa ! 

    2
    Kanmarad ARY
    Samedi 7 Mai 2011 à 11:14

    tchip...konben jou nou pa ni si RTB aktyalité annou si nèt-la !

    Sa anmewdan mésyé toubôlman !!! 

     

    3
    SHAKA (Gwakafwika) Profil de SHAKA (Gwakafwika)
    Lundi 9 Mai 2011 à 14:49

    Dèpi bomaten-la, RTB woupwan asi nèt-la!

    4
    Kanmarad ARY
    Mardi 10 Mai 2011 à 10:13

    Wi kanmarad an té alendikatif prézan ! 

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :