-
Fò nou woulé ban nou!
E wi misyé Méphon, fò nou woulé ban-nou! Moun dwèt tann Harry Méphon rèsposab a atlétizm Siroco Zabim ki té ka fè bilan a chanpyona di mond-la an téléfòn-la èvè misyé Janklòd adan jounal a RTB bomaten-la.
Jamayik ka woulé ba-y! Trinidad osi! Grènad menm biten! Ki tan gwadloupéyen ké chonjé fò yo woulé ba-yo?
Gwadloupéyen menné méday ba fwansé. On madanm kon Marie-José Pérec pli gwan atlèt fwansé po'o jen vwè, ola i té ka antréné? Gwadloup! Èvè ki antrénè? On moun Gwadloup! An ka di zòt on biten, sa ka fè fwansé chyé vwè gwadloupéyen ka antréné an péyi-yo èvè on moun Gwadloup! Fwansé toujou adan on lèspri pou dominé moun!
Alò ka nou ka fè? Nou ka kontinyé woulé ba fwansé oben ba péyi an-nou Gwadloup? Sé boug a taèkwondo-la ja konpwann sa! E rèstan?
Tags : nou, fwanse, woule, gwadloup, moun
-
Commentaires
Nou sav sé ké toujou on fwansé jou i ké pòté méday pou yo é on Gwadloupéyen jou i pa pran on rékonpans !
Tan nou ké anba jouk a sé mésyé sa ké malérèsman konsa, fò nou di osi atlèt annou ka chèché rèkonésans, fè onlo lajan vin dé védèt.