Ekip nasyonal Gwadloup pannan match a-y douvan

Sirinam. Sé tifi-la ké paré-yo pou dézyèm tou-la

ki kay jwé lanné pwochenn.

Pou prèmyé fwa adan listwa a-y, ékip nasyonal Gwadloup a volébòl pé jwé kalifikasyon pou on...chanpyona di mond!!! E wi, ki moun té pé imajiné sa? Nou poko menm endépandan é nou ja ka fasadé èvè rèstan a Karayib-la pou on plas adan on chanpyona di mond!

Wi kanmarad, apré taèkwondo-la, sé aprézan volébòl Gwadloup ki a lendikatif prézan adan on tounwa mondyal.

An sèktanm pasé, ékip Gwadloup a sé madanm-la férayé Sirinam douvan péyi òganizatè-la, Trinidad é Bahamas. Yo bout dézyèm a poul A a zòn NORCECA-la dèyè Trinidad. Gwadloup kalifyé-y pou dézyèm tou-la ki kay jwé an 2013.

Sé nonm-la kant a-yo kay adan on tounwa Sendomeng pou yo éséyé kalfyé-yo pou dézyèm tou a zòn NORCECA-la. On kalifikasyon ki dwèt menné adan chanpyona di mond 2014 an péyi Polòn. Ekip nasyonal Gwadloup ké bouwé èvè Sendomeng, Bawbad é Ayiti.

Chanpyona di mond a volébòl madanm 2014 (Faz final-la ké jwé an Itali)

Eliminatwa : Zòn NORCECA

Gwoup 1 : (Panamaribo-Sirinam)

01/09/12 : Trinidad é Tobago - Bahamas 3-1 (25-20 25-15 21-25 25-15)

                Sirinam - Gwadloup 2-3 (25-18 25-14 17-25 22-25 8-15)

               Trinidad é Tobago - Gwadloup 3-0 (25-17 25-14 25-13)

               Sirinam - Bahamas 3-0 (25-22 25-15 25-15)

02/09/12 : Gwadloup - Bahamas 3-1 (16-25 25-21 25-15 25-18)

                Sirinam - Trinidad é Tobago 1-3 (19-25 25-21 17-25 6-25)

               Sirinam - Bahamas 3-0 (25-23 25-19)

                Trinidad é Tobago - Gwadloup 3-0 (25-6 25-14 25-13)

                                Klasman-la

                           1. TRINIDAD E TOBAGO

                           2. GWADLOUP

                          3. SIRINAM

                          4. Bahamas

* Trinidad é Tobago, Gwadloup, Sirinam ka kalifyé-yo pou dézyèm tou-la.

Final olenpik a 200 mèt-la

1. Usain Bolt (19.32)

2. Yohan Blake (19.44)

3. Warren Weir (19.84)

Aprédavwa i té gannyé chanpyona di mond a 400 mèt-la lanné pasé, mi misyé Kiraini James woumèt anwout adan Jé Olenpik-la. I menné prèmyé méday ba péyi a-y Grènad. Kiraini James kay fété 20 lanné a-y prèmyé sèktanm!

Karayib-la a lendikatif adan final a 400 mèt-la pas dézyèm-la, sé on kouwè Sendomeng misyé Lugelin Santos é twazyèm-la sé Lalone Gordon a Trinidad é Tobago.

Adan final-lasa, pa té tini pon kouwè amériken! Chonjé an 1983, jan larmé amériken té vin anvayi Grènad é fè kyouyé prézidan a péyi-la, Maurice Bishop. Wi kanmarad, listwa délè ka fouté moun kalòt!

Misyé Usain Bolt montré toutmoun asi latè, sé li ki mèt a-yo! Gadé sa!

Sété 100m-la ki ay pli vit adan listwa a Jé Olenpik-la!