• Gwadloupéyen, zò pé méprizé ayisyen me fò zò konstaté si a pa té Ayiti, péyi an-nou pa té'é rantré fasil adan laliwondaj a-y ki sé Karayib-la. Mi prèv-la adan spò-la.

    Gadé é kouté entèvyou a misyé Jean Baker ayisyen é vis-prézidan a CACSO pannan sanblé jénéral a òganizasyon-la an péyi Zil Kayiman an mwa òktòb ki pasé la.

     


    votre commentaire
  • http://www.norceca.net/04-13-12-US-Virgin-Islands.jpg

    Gwadloup (an blan é nwè) kochi bèk a Zil Vyèj

    Mériken é gannyé kalifikasyon a-y.

     

    Apré sé tifi-la, sé nonm-la kalifyé-yo pou dézyèm tou  éliminatwa a zòn NORCECA pou chanpyona di mond-la ki ké fèt an péyi Polòn an 2014. Sé ti-boug Gwada-la fè sa i té fo pou pwan twazyèm plas kalifikatif-la douvan Zil Vyèj Mériken. Gwadloup kay akonpagné adan dézyèm tou-la, Sendomeng é Ayiti.

    Woulo ba sé ti-boug Gwada-la!

    Chanpyona di mond 2014

    Eliminatwa

    Zòn NORCECA

    1é tou

    Gwoup C (Santo Domingo - Sendomeng)


    03/11/12 : Sendomeng - Gwadloup 3-0 (25-12, 25-14,25-10)

                    Ayiti - Zil Vyèj Mériekn 3-0 (25-23, 25-17, 25-13)

                   Gwadloup - Zil Vyèj Mériken 3-2 (19-25, 25-17, 34-32, 20-25, 15-11)

                   Sendomeng - Ayiti 3-0 (25-15, 25-17, 25-15)

    04/11/12 : Ayiti - Gwadloup 3-1 (25-15, 20-25, 25-18, 25-15)

                    Sendomeng - Zil Vyèj Mériken 3-0 (25-9, 25-12, 25-10)

                    Gwadloup - Zil Vyèj Mériken 3-0 (25-23, 25-10, 25-20)

                    Sendomeng - Ayiti 3-0 (25-14, 25-16, 25-21)

                                      Klasman-la

                         1. SENDOMENG

                         2. AYITI

                         3. GWADLOUP

                         4. Zil Vyèj Mériken

    * Sendomeng, Ayiti, Gwadloup ka kalifyé-yo pou dézyèm tou-la.

     

    Gwadloup toujou ankous pou on kalifikasyon pou on chanpyona di mond mé chimen-la ké long é rèd toubòlman padavwa fò ékip nasyonal an-nou rivé kalifyé-y pou twazyèm é dènyé tou-la. On twazyèm tou ola i kay jwenn nasyon kon Etazini, Kiba oben Pòtoriko. Zòn NORCECA-la ka voyé senk ékip pou sé nonm-la é sis pou sé fanm-la adan faz final a chanpyona di mond-la. Sé favori-la pou zòn NORCECA-la : Kiba, Etazini, Pòtoriko, Sendomeng, Mèksik, Kanada, Kòstarika, Trinidad é Tobago. Ki pou sé nonm-la, ki pou sé fanm-la, nou tini omwens huit péyi ki pé rivé kalifyé-yo. Alò pou Gwadloup révé on kalifikasyon, fò'y té fouté kat ékip adan sé favori-lasa. Kanmarad, chimen-la ké long é rèd!


    votre commentaire
  • http://www.guadeloupe.franceantilles.fr/images/2012/10/29/192042_fag_12816_01_08_02_164x123p.jpg

    Gwadloup tonbé sanmdi

    adan koup Karayib-la.

     

    On gwan manman sirpriz fèt onivo a koup a sé nasyon Karayib-la. Gwadloup vis-chanpyon Karayib 2010 pa rivé kalifyé-y pou faz final a gwan ripaj karibéyenn-la ki ké fèt an débi a mwa désanm an péyi Antig é Bawbouda. Sé fòt a on ékip Gwadloup ki pa jen pwan ékip Sendomeng osèryé. Pou nou gwadloupéyen, nou té ja asiré gannyé Sendomeng avan match komansé. Rézilta, konm nou pa byen préparé nou, nou mal jwé douvan on ékip ki byen jwé é nou pèd 0-2. Jwè a ékip nasyonal Gwadloup lévé gawoulé douvan Pòtoriko mé i té ja two ta lè nou bouwé èvè Matnik padavwa sé matiniké-la té motivé pou yo pa té pèd kalifikasyon-la. Sitou yo té bizwen enki on match nil pou yo té pasé alò kè nou gwadloupéyen nou té oblijé gannyé. E sé kon sa sanmdi swè nou pa rivé gannyé, nou fè 3-3 èvè Matnik é nou touvé-nou éliminé. Sé ké prèmyé fwa dèpi 2005, Gwadloup ka raté faz final a koup Karayib-la é an menm balan-la Gold Cup a laCONCACAF.

     

    Pou plis kamo asi koup Karayib-la, lyanné-zòt asi "Boul an karayib-la"

    http://caribbeanfoot.over-blog.com


    1 commentaire
  • Koup Afwik 2013 an épyi Afwik di Sid

    (19 janvyé jis 10 févriyé)

    http://www.lecourrierdelatlas.com/images/z_commun/photos_artices/big/can-2013.jpg

    Gwoup A : Afwik di Sid, Angola, Mawòk, Kapvè*

    Gwoup B : Gana, Mali, Nijè, RD Kongo

    Gwoup C : Zanbi, Nijérya, Birkina Faso, Etyopi

    Gwoup D : Kòtdivwa, Tinizi, Aljéri, Togo

    * Kapvè éliminé Kamroun an kalifikasyon.


    votre commentaire
  • http://blob.keldom.com/domactu/photos/400/121023321003706.jpg

    "Lagwadloup sé tan-nou"

     

    An pé ké tadé asi rézilta a sé ti-boug Gwada-la davwa fò pa mwen soufè twòp (nou pèd 2-0 douvan Sendomeng) mé tini dé biten ki fè mwen plézi yè swa adan èstad Zabim. Prèmyé-la sé prézantasyon èspésifik a on drapo gwadloupéyen ki pou lèmoman sé drapo a Lig Gwadloupéyenn dè Foutbòl (LGF). I té an téren-la èvè drapo nasyonal a Sendomeng. Nou pa vwè pon drapo blé, blan, wouj!

    Dézyèm-la sé imn-la. Pon moun pa tann imn a fwansé "La Marseillaise". Dèviné ka yo jwé? "Lagwadloup sé tan-nou" èvè son a tanbou-la! Zò pa'a tann?


    1 commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique