• http://trackledger.com/wp-content/uploads/2012/10/Carifta_2013.jpg

    Wilhem Belocian wouchanpyon a Karayib-la aprédavwa i gannyé final a 200 mèt-la adan CARIFTA GAMES-la an péyi Bahamas. Tousa douvan dé kouwè a Jamayik, kanmarad!

     

     CARIFTA GAMES 2013 an péyi Bahamas

    Final a 110 mèt-la (-20 lanné)

     1. Wilhem Belocian (Gwadloup)  13.49

    2. McLeod Omar (Jamayik) 13.57

    3. Walters Ruben (Trinidad é Tobago) 13.66

    4. Mason Tyler (Jamayik) 13.69

    5. Lewis Kirk (Bahamas) 14.12

    6. Coakley Xavier (Bahamas) 14.34

    7. Hoodboyce Christian (Trinidad é Tobago) 14.67

    - Andrew Brandon (Zil Vyèj Anglé) diskalifyé


    votre commentaire
  • http://t2.gstatic.com/images?q=tbn:ANd9GcRuZutaqUhCRQO58U3n25l2ZIHCPIKC1glPOoANVQM1IfigJvQ

    Nijérya chanpyon dafwik pou twazyèm fwa ay

    (1980, 1994, 2013)

     

    Aprédavwa i gannyé Bikina Faso 1-0 an final-la, Nijérya vin pou twazyèm fwa a-y chanpyon dafwik (1980, 1994, 2013). Nijérya ka kalifyé-y an menm balan pou koup a sé konfédérasyon-la ki kay jwé an mwa jen-la an péyi Brézil.

     


    votre commentaire
  • http://t3.gstatic.com/images?q=tbn:ANd9GcT6q_sOhMxpyUFdcdJ5WGFXC566nxBy-aCR3LSHqNvu7VMPRwIYJ5AJ6kA  http://t1.gstatic.com/images?q=tbn:ANd9GcR5vXfxuuQspMKJg92IHxcbnuvPdgjMfW8pbJD_MRvY5sEajxfc5mM16w   http://t3.gstatic.com/images?q=tbn:ANd9GcRDHKkhT0HOdE5XRRzrL_SWYFQ1f_ygJKjOpDPigoKd4L0WaoVPWfTvjA

    Yè swa, toutmoun dwèt vwè-y andidan télévizyon a-yo. Jounal a "Guadeloupe 1ère" té envité prézidan a Lig Foutbòl Gwadloup (LGF) misyé Jozèf Séné. Li èvè prézidan a lig foutbòl Matnik, Giyàn é osi rèprézantan a foutbòl Senmawten té an péyi Matnik lòtjou ola yo tou létwa té ka fasadé an péyi Matnik èvè dirijan a laCONCACAF, laFIFA é Fédérasyon Foutbòl Fwansé. On fasadaj ola yo té ka palé asi rantré a Gwadloup, Matnik é Giyàn laCONCACAF konm "full members" kon yo ka di an anglé. Kivédi, yo ké ni menm dwa é menm dèvwa ki nenpòt manb a laCONCACAF. Sa kivédi osi, Gwadloup, Matnik, Giyàn, Senmawten (é asiré pa pétèt Sinmawtin) ké jwé éliminatwa a lakoup di mond kanmarad! Jou 19, 20 é 21 avril pwochen,  kongré a laCONCACAF ké fèt an péyi Panama an menm moman a chanpyona a laCONCACAF a sé mwen 17 lanné-la ki ké fèt an péyi-lasa menm. Apré bèl lèsplwa a Lagwadloup adan Gold Cup 2007 (I té rivé an dèmifinal), an ka kwè laCONCACAF oblijé fè-y rantré konm "full member" é an menm balan-la, laFIFA osi. Wi kanmarad, nou pé di sa jòdi-la, Fédérasyon a Foutbòl Fwansé lésé-y pyéjé-y padavwa laCONCACAF chanjé èstati a-y. I ka pwan enki "full members" andidan a-y! Kon yo ka di, rèv-la ka vin on réyalité!

    Plis ki janmen lotonomi a èspò Gwadloup ka pwan douvan padavwa apré taèkwondo-la é volébòl-la sé tou a foutbòl-la mé osi ta hannbòl-la. Dayè nou ké palé asi hannbòl-la adan on dòt biyé. On lotonomi adan èspò-la ki kay jwen lotonomi politik a péyi annou.

     

    Zò pé lyanné-zòt asi bik entèwnèt a laCONCACAF

    http://www.concacaf.com/page/AssociationNewsDetail/0,,12813~3060085,00.html


    votre commentaire
  • Koup a sé nasyon Afwik-la 2013 an péyi Lafwik di Sid

     (Ka démaré dèmen sanmdi 19 janvyé pou'y bout dimanch 10 févriyé)

     

    Sé gwoup-la

    Gwoup A   : Afwik di Sid, Angola, Mawòk, Kapvè*

    Gwoup B : Gana, Mali, Nijè, RD Kongo

    Gwoup C : Zanbi, Nijérya, Birkina Faso, Etyopi**

    Gwoup D : Kòtdivwa, Tinizi, Aljéri, Togo

    * Kapvè éliminé Kamroun adan faz kalifikatif-la. Sé ké prèmyé vini a-y adan ripaj-lasa.

    ** Etyopi ka wouviré apré 31 lanné i pa té la.

    Chanpyon-la kay rèprézanté Lafwik adan koup a sé konfédérasyon-la ki kay jwé an péyi Brézil an mwa jen-la.  


    votre commentaire
  • http://t0.gstatic.com/images?q=tbn:ANd9GcQ7rkqiMKr-gGqfw7ZDzJOWyP3F9seVP6LRXSKGtV-K3tnanNGbHw

    An pa'a kwè!


    1 commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique