• http://www.norceca.net/09-06-13-Vanessa-Azille-GDP.jpg

    Gwadloup gannyé biyé a-y pou twazyèm é dènyé tou

    a éliminatwa a chanpyona di mond 2014 zòn NORCECA-la.

     

    Pou on prémyé vini volébòl Gwadloup aka sé madanm-la ka fè on bèl ripaj. Sé vré, ékip nasyonal annou gannyé plas a-y pou twazyèm é dènyé tou a éliminatwa a chanpyona di mond zòn NORCECA-la an péyi Gwatémala.  Gwadloup kay bouwé adan tou final-la èvè Kanada, Mèksik é Jamayik.

    Mondyal madanm 2014 - Zòn NORCECA : 2èm tou

    Gwoup L ( An péyi Gwatémala)

     08/06/13 : Gwadloup - Awouba 3-0 (25-11/25-13/25-14)

    Gwatémala - Senkis é Névis 3-0 (25-13/25-14/25-10)

    Senkis é Névis - Awouba 3-0 (25-10/25-15/25-13)

    Gwatémala - Gwadloup 3-0 (25-22/25-23/25-15)

    09/06/13 : Gwadloup - Senkis é Névis 3-0 (25-17/25-16/25-15)

    Gwatémala - Awouba 3-0 (25-4/25-10/25-12)

    Senkis é Névis - Awouba 3-0 (25-16/25-21/25-19)

    Gwatémala - Gwadloup 3-1 (25-20/24-26/25-18/25-21)

    Klasman-la

    1. Gwatémala

    2. Gwadloup

    3. Senkis é Névis

    4. Awouba

    * Gwatémala, Gwadloup ka kalifyé-yo pou twazyèm tou-la.

     


    votre commentaire
  • http://t0.gstatic.com/images?q=tbn:ANd9GcSbSan68CVEKVQPfvX3TfPadfqROnWs_0XI3R1qgQn-NxeidLIZ         http://t2.gstatic.com/images?q=tbn:ANd9GcRLE1RkfrSR3u_HpSppFHlN7CuMywSEHDueMhqB8M1IZsFa7B0pDA         

                                                

    http://t3.gstatic.com/images?q=tbn:ANd9GcRSAA6fbyoAoZEjwIEfZGYYhXV6J5RavgCOXzeIMMgPqV2CPo52     GWATEMALA

    http://t1.gstatic.com/images?q=tbn:ANd9GcTdQux20mrqMrU-lsl2dKOtpdKvP42XgjugcVDgotPRkdop_IvhBg    GWADLOUP

    http://t3.gstatic.com/images?q=tbn:ANd9GcT0IONcsIOIeQpkHiw01dcYEgGgkFK1oS-6f8mxdgVSaf1aA9A9   SENKIS E NEVIS                           

    http://t3.gstatic.com/images?q=tbn:ANd9GcQvIFyhnqJar3HaTzmeKy7n9pHKfvbf94TTulAcLml2boraWxi6gg  AWOUBA

     

    Dézyèm tou éliminatwa a zòn NORCECA-la pou chanpyona di mond 2014-la ké jwé an péyi Gwatémala. Adan gwoup L-la, Gwatémala kay fasadé èvè Senkis é Névis, Awouba é Gwadloup.  On tounwa ki ka komansé dèmen pou'y bout dimanch. Lédé prèmyé ka kalifyé-yo pou twazyèm é dènyé tou-la. Twazyèm-la ké atann rézilta a tout sé gwoup a zòn NORCECA-la pou'y sav si'y ka pasé adan twazyèm tou-la.

    Mi dékatman-la

    Sanmdi 8 jen :

    Gwadloup - Awouba (9 AM)

    Gwatémala - Senkis é Névis (11AM)

    Senkis é Névis - Awouba (6 PM)

    Gwatémala - Gwadloup (8 PM)

    Dimanch 9 jen :

    Gwadloup - Senkis é Névis (9 AM)

    Gwatémala - Awouba (11 PM)

    Match pou 3èm plas-la (6 PM)

    Match pou 1é plas-la (8 PM)

     

    Sé nonm-la ké jwé  dézyèm tou a-yo osi an bout a simenn pwochenn an péyi-la menm douvan Ondiras, Domnik é Grènad. Plis kamo asi sa simenn pwochenn menm.

    Chouk :

    www.norceca.net

    www.fivb.org


    votre commentaire
  • http://www.norceca.net/29-04-13-Team_LCA.jpg

    Sentlisi kalifyé-y pou twazyèm tou-la ola i

    kay jwenn èvè Kiba ki vis-chanpyon di mond an tit.

     

    Dézyèm tou éliminatwa a chanpyona di mond nonm a volébòl zòn NORCECA démaré an bout a mwa avril-la. E sé kon sa adan gwoup J-la, Sentlisi ki té ka òganizé ripaj-la a kaz a-y, bout prèmyé douvan Ayiti, Salvadò é Senkis é Névis. Sentlisi ké tonbé adan gwoup a Kiba pou twazyèm é dènyé tou-la. Kiba on gwo mòso padavwa i vis-chanpyon di mond an tit.  Léfwè ayisyen dwèt atann si yo kalifyé padavwa adan sé sis gwoup-la, yo ka pwan enki lékat méyè dézyèm. Salvadò é Senkis é Névis éliminé.

    Chonjé pou sé nonm-la, ékip nasyonal Gwadloup kay òganizé ripaj a gwoup N-la, i kay wousivwè Ondiras, Domnik é Grènad an milyé a mwa jen-la.

    Chanpyona di mond pou sé nonm-la ké jwé an sèktanm 2014 an péyi Polòn.

     

    Chanpyona di mond 2014 - Zòn NORCECA

    2èm tou - Gwoup J (Sentlisi)

    1. Sentlisi (kalifyé pou twazyèm tou-la), 2 Ayiti, 3. Salvadò, 4 Senkis é Névis.


    votre commentaire
  • http://l3.yimg.com/bt/api/res/1.2/He4yE8EqFVLlEO1jTrQVWw--/YXBwaWQ9eW5ld3M7cT04NTt3PTYwMA--/http://media.zenfs.com/en_us/News/Reuters/2013-04-19T234919Z_1_CBRE93I1U6A00_RTROPTP_2_SOCCER-CONCACAF.JPG

    Jeffrey Webb (CONCACAF) é Joseph Blatter

    (FIFA), dé prézidan pou on pal ba foutbòl

    Gwadloup?

     

    Dèpi vandredè pasé an péyi Panama, foutbòl Gwadloup rantré adan CONCACAF-la èvè tout dwa a-y. Kivédi Gwadloup pé pwan chimen a laFIFA. Nou sav fédérasyon foutbòl fwansé mété on bayè swadizan mé fò zò sav lwa a laFIFA chanjé. Dèpi ou adan on konfédérasyon èvè tout dwa a-w, ou pé rantré laFIFA. Wi kanmarad, bayè fèt pou yo soté! A pa paskè laFFFmété on bayè nou pé ké janbé-y. Kanmarad, fwansé ka jwé lamont mé i pé ké anpéché péyé annou rantré laFIFA. Apré tousa bon rézilta nou trapé andidan CONCONCAF-la pa rapòt a sé ti-boug Gwada-la, toutmoun pé ké konpwann pouki biten Gwadloup pé pa jwé éliminatwa pou lakoup di mond. Kongré a laFIFA kay fèt mwa pwochen é an ka kwè fò mèt a mannyòk a foutbòl annou voyé kandidati a péyi annou alè menm! Kanmarad, avan tiraj osò a éliminitwa a lakoup di mond 2018, fò péyi Gwadloup rantré laFIFA. Fò sa fèt swa mwa pwochen, swa an 2014 oben swa an 2015!


    votre commentaire
  • http://t3.gstatic.com/images?q=tbn:ANd9GcQIZau3gfqg0xoz1Qt1QiOrTLUZVTU07xGaTxOZJXPtlXTSx5DW  http://t0.gstatic.com/images?q=tbn:ANd9GcQ-MDmJkzVRaejFE3Cy5T4u2kkgarYCnfkY4CEq_4PrpkkZ9TYY

    On jou enpòtan ba foutbòl Gwadloup kay fèt an péyi Panama. Wi kanmarad, jou vandrèdi 19 avril kay fèt an péyi-lasa katòzyèm kongré a CONCACAF-la. On kongré ola nòmalman péyi annou Gwadloup kay rantré adan konfédérasyon-la èvè tout dwa a-y. Tout dwa a-y kivédi Gwadloup pé aprézan pòté kandidati a-y pou'y rantré laFIFA.

    Prézidan a Lig Foutbòl Gwadloup misyé Josèf Séné té ka réponn prézantatris

    a jounal télé a Guadeloupe 1ère asi rantré a péyi Gwadloup adan CONCACAF-la.


    votre commentaire


    Suivre le flux RSS des articles de cette rubrique
    Suivre le flux RSS des commentaires de cette rubrique